សប្បុរសជននាំមកនូវអំណោយ ដើម្បីជួយដល់បងប្អូនប្រជាពលរដ្ឋភៀសសឹកកម្ពុជា តាមការអំពាវនាវរបស់ក្រសួងសាធារណការ និងដឹកជញ្ជូន ទីស្តីការក្រសួង៖ នារសៀលថ្ងៃពុធ ទី២៤ ខែធ្នូ ឆ្នាំ២០២៥ ឯកឧត្តម ផែង សុវិជ្ជានោ រដ្ឋលេខាធិការក្រសួងសាធារណការ និងដឹកជញ្ជូន និងក្រុមការងារសម្របសម្រួលការរៃអង្គាសថវិកាមូលនិធិក្រសួង បានអញ្ជើញចូលរួមទទួលអំណោយសប្បុរសធម៌ពីលោក អ៊ឹង លី និងអ្នកនាង Shi Wenhua (Eva) ដែលមានជាថវិកា និងគ្រឿងឧបភោគបរិភោគសរុបរួមមាន៖ មី ត្រីខ ទឹកសុទ្ធ ទឹកដោះគោ ខោទឹកនោម និងនំកូនក្មេងមួយចំនួនផងដែរ ដើម្បីចូលរួមជាមួយក្រសួងសាធារណការ និងដឹកជញ្ជូននាំយកទៅប្រគល់ជូនបងប្អូនប្រជាពលរដ្ឋភៀសសឹកកម្ពុជា ដែលបានជម្លៀសចេញពីផ្ទះសម្បែងមកទីកន្លែងសុវត្ថិភាព ដោយសារសង្គ្រាមឈានពានពីសំណាក់កងទ័ពថៃ។