កិច្ចពិភាក្សាលើរបាយការណ៍ការសិក្សាសមិទ្ធិលទ្ធភាពដើម្បីអនុវត្តគម្រោងហេដ្ឋារចនាសម្ព័ន្ធប្រព័ន្ធលូ និងប្រព័ន្ធទឹកកខ្វក់នៅក្នុងស្រុកអង្គស្នួល និងស្រុកស្អាង ខេត្តកណ្ដាល ទីស្ដីការក្រសួង៖ នាព្រឹកថ្ងៃអង្គារ ទី១៦ ខែធ្នូ ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាការងារជាមួយក្រុមហ៊ុន KUNHWA Engineering Co.,Ltd ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក លោកអគ្គនាយករង លោកប្រធាននាយកដ្ឋាន និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ និងក្រុមការងារក្រុមហ៊ុន KUNHWA Engineering Co.,Ltd ផងដែរ។ កិច្ចប្រជុំនេះរៀបចំឡើងដើម្បីពិនិត្យពិភាក្សាលើរបាយការណ៍ការសិក្សាសមិទ្ធិលទ្ធភាពដើម្បីអនុវត្តគម្រោងហេដ្ឋារចនាសម្ព័ន្ធប្រព័ន្ធលូ និងប្រព័ន្ធទឹកកខ្វក់នៅក្នុងស្រុកអង្គស្នួល និងស្រុកស្អាង នៃខេត្តកណ្ដាល ប្រទេសកម្ពុជា ដោយក្រុមហ៊ុន KUNHWA Engineering Co.,Ltd៕