កិច្ចប្រជុំ ស្ដីពីការពិនិត្យឡើងវិញលើវឌ្ឍនភាពនៃការអនុវត្តគម្រោង ក្រោមក្របខ័ណ្ឌហិរញ្ញប្បទានពីធនាគារពិភពលោក ភ្នំពេញ៖ នាព្រឹកថ្ងៃពុធ ទី១២ ខែ វិច្ឆិកា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន អញ្ជើញដឹកនាំគណ:ប្រតិភូក្រសួងចូលរួមកិច្ចប្រជុំ ស្ដីពីការពិនិត្យឡើងវិញលើវឌ្ឍនភាពនៃការអនុវត្តគម្រោង ក្រោមក្របខ័ណ្ឌហិរញ្ញប្បទានពីធនាគារពិភពលោក (World Bank) ក្រោមអធិបតីភាព ឯកឧត្តម ប៉ែន ធីរុង្គ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ប្រធានគ្រប់គ្រងគម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងផ្លាស្ទិក និងមន្ត្រីជំនាញរបស់ក្រសួងសាធារណការ និងដឹកជញ្ជូន តំណាងក្រសួងសេដ្ឋកិច្ច និងហិរញ្ញវត្ថុ តំណាងក្រសួង-ស្ថាប័នពាក់ព័ន្ធ តំណាងធនាគារពិភពលោក(WB) និងដៃគូអភិវឌ្ឍន៍ផងដែរ ។ កិច្ចប្រជុំនេះរៀបចំឡើងដើម្បីពិនិត្យឡើងវិញទៅលើវឌ្ឍនភាពនៃការអនុវត្តគម្រោង (Tripartite Portfolio Performance Review) ក្រោមក្របខណ្ឌហិរញ្ញប្បទានពីធនាគារពិភពលោក និងកំណត់បញ្ហាប្រឈមនានា ដើម្បីផ្ដល់ជាដំណោះស្រាយក្នុងការអនុវត្តការងារគម្រោងឱ្យទទួលបានប្រសិទ្ធភាពខ្ពស់ផងដែរ៕