កិច្ចប្រជុំពិភាក្សា ស្តីពី “ថ្នាក់ដឹកនាំបុរសគំរូ សម្រាប់ហេដ្ឋារចនាសម្ព័ន្ធប្រកបដោយបរិយាបន្ន (Male Champion for Change in Inclusive Infrastructure)” ទីស្ដីការក្រសួង៖ នាថ្ងៃអង្គារ ទី១៤ ខែតុលា ឆ្នាំ២០២៥ ក្រសួងសាធារណការ និងដឹកជញ្ជូន សហការជាមួយកម្មវិធីភាពជាដៃគូសម្រាប់ហេដ្ឋារចនាសម្ព័ន្ធ (Partnership for infrastructure) របស់ប្រទេសអូស្រ្តាលី បានរៀបចំកិច្ចប្រជុំពិភាក្សាផ្លាស់ប្តូរយោបល់ ស្តីពីប្រធានបទ“ថ្នាក់ដឹកនាំបុរសគំរូ សម្រាប់ហេដ្ឋារចនាសម្ព័ន្ធប្រកបដោយបរិយាបន្ន (Male Champion for Change in Inclusive Infrastructure)” ដោយមានការអញ្ជើញចូលរួមពីថ្នាក់ដឹកនាំជាបុរស នៃក្រសួងសាធារណការ និងដឹកជញ្ជូនជាច្រើនរូប និងសម្របសម្រួលដោយផ្ទាល់ពីអ្នកជំនាញមកពីប្រទេសកាណាដា។ កិច្ចប្រជុំពិភាក្សានេះ រៀបចំឡើងក្នុងគោលបំណងចែករំលែក និងផ្លាស់ប្តូរបទពិសោធន៍ពីថ្នាក់ដឹកនាំជាបុរសក្នុងវិស័យដឹកជញ្ជូន ស្តីពីការលើកកម្ពស់ភាពជាអ្នកដឹកនាំរបស់ស្ត្រី និងការគាំទ្រកិច្ចខិតខំប្រឹងប្រែងក្នុងសកម្មភាពយេនឌ័រ ពិការភាព និងការដាក់បញ្ចូលគោលការណ៍បរិយាបន្នសង្គម (GEDSI) ក្នុងវិស័យសាធារណការ និងដឹកជញ្ជូន៕