ឯកឧត្តម ប៉ាល់ ចន្ទតារា រដ្ឋលេខាធិការ អញ្ជើញជាអធិបតីពិធីបិទ និងប្រគល់លិខិតថ្លែងអំណរគុណជូនគ្រូឧទ្ទេស និងសិក្ខាកាមចូលរួមវគ្គបណ្តុះបណ្តាលស្តីពី “ការគ្រប់គ្រងស្ថាប័ន” និង “គោលការណ៍ណែនាំ ស្តីពីនីតិវិធី និងបែបបទស្តីពីការដំឡើងឋានន្តរស័ក្តិ និងថ្នាក់ ទីស្ដីការក្រសួង៖ នាថ្ងៃសុក្រ ទី១០ ខែតុលា ឆ្នា២០២៥ ឯកឧត្តម ប៉ាល់ ចន្ទតារា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រី ក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងពិធីបិទ និងប្រគល់លិខិតថ្លែងអំណរគុណ ជូនគ្រូឧទ្ទេស និងសិក្ខាកាម ដែលបានចូលរួមវគ្គបណ្តុះបណ្តាលស្តីពី “ការគ្រប់គ្រងស្ថាប័ន” និង “គោលការណ៍ណែនាំ ស្តីពីនីតិវិធី និងបែបបទស្តីពីការដំឡើងឋានន្តរស័ក្តិ និងថ្នាក់។ វគ្គបណ្តុះបណ្តាលនេះ មានគោលបំណងផ្ដល់ចំណេះដឹង និងការស្វែងយល់បន្ថែមលើការគ្រប់គ្រងស្ថាប័ន និងបែបបទស្តីពីការដំឡើងឋានន្តរស័ក្តិ និងថ្នាក់សម្រាប់មន្រ្តីរាជការស៊ីវិល ដើម្បីលើកកម្ពស់ប្រសិទ្ធភាពការងាររបស់មន្រ្តី និងអង្គភាពក្រោមឱវាទក្រសួងឱ្យកាន់តែល្អប្រសើរ និងបង្កើនការយល់ដឹងអំពីអត្ថប្រយោជន៍ផ្សេងៗរបស់មន្រ្តីរាជការសាធារណៈ៕