ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំប្រតិភូក្រសួង អញ្ជើញទស្សនកិច្ចក្រុមហ៊ុន LESSO Company ខេត្តគ័ងទង់ សាធារណរដ្ឋប្រជាមានិតចិន៖ នាថ្ងៃព្រហស្បតិ៍ ទី១៨ ខែកញ្ញា ឆ្នាំ២០២៥ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំប្រតិភូក្រសួង អញ្ជើញទស្សនកិច្ចក្រុមហ៊ុន LESSO Company ដោយមានការអញ្ជើញចូលរួមពី ឯកឧត្តមថ្នាក់ដឹកនាំក្រសួង និងមន្ត្រីជំនាញពាក់ព័ន្ធ។ ទស្សនកិច្ចនេះដើម្បីពង្រឹងទំនាក់ទំនងកិច្ចសហប្រតិបត្តិការជាមួយក្រសួងសាធារណការ និងដឹកជញ្ជូន និងដើម្បីបង្ហាញ ឯកឧត្តមរដ្ឋមន្ត្រី អំពីច្រវ៉ាក់ផលិតកម្មបំពង់លូទឹកកខ្វក់ និងលូទឹកភ្លៀងប្រភេទ HDPE,PE, uPVC នៅក្នុងរោងចក្ររបស់ LESSO និងការផលិតបំពង់បង្ហូរទឹក បរិក្ខារ និងសម្ភារៈអនាម័យផ្សេងៗទៀត ព្រមទាំងទស្សនកិច្ចមើលការិយាល័យកណ្តាល និងមន្ទីរពិសោធន៍សម្ភារ:វត្ថុធាតុដើមផលិតលូ ដើម្បីធានាគុណភាពផលតិផលសម្រេច៕