វគ្គបណ្តុះបណ្តាលលើកទី១១ ស្តីពី "គោលនយោបាយសាធារណៈ និងអភិបាលកិច្ចសម្រាប់មន្ត្រីរាជការកម្ពុជា" នៅសាធារណរដ្ឋឥណ្ឌា ទីក្រុង Mussoorie សាធារណរដ្ឋឥណ្ឌា៖ មន្ត្រីរាជការកម្ពុជាប្រមាណ ៣៩រូប មកពីក្រសួងចំនួន១០ ក្នុងនោះមានមន្ត្រីក្រសួងសាធារណការ និងដឹកជញ្ជូន ៤រូបផងដែរ បានអញ្ជើញចូលរួមវគ្គបណ្តុះបណ្តាលលើកទី១១ ស្តីពី "គោលនយោបាយសាធារណៈ និងអភិបាលកិច្ចសម្រាប់មន្ត្រីរាជការកម្ពុជា- The 11th Public Policy and Governance for Servants of Cambodia " នៅសាធារណរដ្ឋឥណ្ឌា ដែលប្រព្រឹត្តទៅចាប់ពីថ្ងៃទី១៥ ដល់ថ្ងៃទី២៦ ខែកញ្ញា ឆ្នាំ២០២៥។ វគ្គបណ្តុះបណ្តាលនេះ ទទួលបានការឧបត្ថម្ភគាំទ្រពីរដ្ឋាភិបាលនៃសាធារណរដ្ឋឥណ្ឌា និងរៀបចំឡើងក្នុងគោលបំណង ដើម្បីចែករំលែកបទពិសោធន៍ទទួលបានចំណេះដឹង និងជំនាញចាំបាច់សម្រាប់ការរៀបចំ និងអនុវត្តគោលនយោបាយសាធារណៈ និងអភិបាលកិច្ចល្អរបស់រដ្ឋាភិបាលឥណ្ឌា និងពង្រឹងសមត្ថភាពមន្ត្រីរាជការកម្ពុជា ក្នុងការកសាងគោលនយោបាយសាធារណៈ និងអភិបាលកិច្ចល្អ។ បន្ថែមពីនេះ វគ្គបណ្តុះបណ្តាលផ្តោតសំខាន់ក្នុងការចែករំលែកបទពិសោធន៍ និងការអភិវឌ្ឍន៍ជំនាញអំពីការគ្រប់គ្រងដីធ្លី ការគ្រប់គ្រងផ្តល់សេវាសាធារណៈតាមប្រព័ន្ធឌីជីថល អភិបាលកិច្ចលល្អ អភិបាលកិច្ចឌីជីថល នវានុវត្តគ្រប់គ្រងរដ្ឋបាលថ្នាក់មូលដ្ឋាន ដំណើការលទ្ធកម្មអង្គភាព គោលនយោបាយសាធារណៈ ដោយលើកទឹកចិត្តឱ្យអ្នកចូលរួមក្នុងការចែករំលែកចំណេះដឹងទៅវិញទៅមក ។ ម្យ៉ាងវិញទៀត ការផ្សព្វផ្សាយ និងការចែករំលែកចំណេះដឹង និងបទពិសោធន៍ប្រកបដោយប្រសិទ្ធភាព គឺចាំបាច់សម្រាប់រដ្ឋាភិបាលនានាជុំវិញពិភពលោក ដើម្បីទទួលយកអត្ថប្រយោជន៍ពេញលេញ និងពេញលេញនៃគំនិតដែលកំពុងលេចឡើងទាំងនេះនៅក្នុងអភិបាលកិច្ចល្អ និងគោលនយោបាយសាធារណៈ។ នេះអាចធានាបានដោយការចែករំលែកត្រឹមត្រូវនៃធនធានចំណេះដឹងដែលមានស្រាប់នៅកម្រិតផ្សេងៗ ទាំងជាតិ និងអន្តរជាតិ រវាងរដ្ឋាភិបាលផ្សេងៗ ខណៈដែលពិភពលោកកំពុងខិតមកជិតនៅក្នុងឆាកបច្ចុប្បន្ន។ វាកាន់តែមានសារៈសំខាន់ ដោយសារអភិបាលកិច្ចល្អ និងគោលនយោបាយសាធារណៈប្រកបដោយប្រសិទ្ធភាពត្រូវបានទទួលស្គាល់ជាអន្តរជាតិ ថាជាមូលដ្ឋានគ្រឹះសម្រាប់ការសម្រេចបានជោគជ័យនៃគោលបំណងគោលនយោបាយជាតិ និងអន្តរជាតិ៕