កិច្ចប្រជុំចែករំលែក ស្ដីពីការកសាងទំនាក់ទំនង និងផ្លាស់ប្ដូរបទពិសោធន៍សម្រាប់ក្រុមការងារទទួលបន្ទុកយេនឌ័រ ដើម្បីលើកកម្ពស់ភាពជាអ្នកដឹកនាំរបស់ស្ដ្រី និងសមភាពយេនឌ័រ នៅក្នុងក្រសួងសាធារណការ និងដឹកជញ្ជូន ទីស្តីការក្រសួង៖ នាថ្ងៃសុក្រ ទី១២ ខែកញ្ញា ឆ្នាំ២០២៥ ក្រសួងសាធារណការ និងដឹកជញ្ជូន សហការជាមួយអ្នកជំនាញការនៃស្ថាប័ន P4I និង Asia Foundation បានរៀបចំកិច្ចប្រជុំស្ដីពីការកសាងទំនាក់ទំនង និងផ្លាស់ប្ដូរបទពិសោធន៍សម្រាប់ក្រុមការងារទទួលបន្ទុកុយេនឌ័រ ដើម្បីលើកកម្ពស់ភាពជាអ្នកដឹកនាំរបស់ស្ដ្រី និងសមភាពយេនឌ័រ នៅក្នុងក្រសួងសាធារណការ និងដឹកជញ្ជូន ក្រោមអធិបតីភាព លោកជំទាវ មឹន មាណវី រដ្ឋលេខាធិការ និងជាប្រធានគណៈកម្មការទទួលបន្ទុកយេនឌ័រ និងយន្ដការគាំទ្រ នៃក្រសួងសាធារណការ និងដឹកជញ្ជូន ដោយមានការចូលរួមពីសំណាក់ថ្នាក់ដឹកនាំ មន្ដ្រីរាជការនៃក្រសួងសាធារណការ និងដឹកជញ្ជូន និងមន្ទីរសាធារណការ និងដឹកជញ្ជូន រាជធានី/ខេត្ត។ កិច្ចប្រជុំនេះជាផ្នែកមួយនៃការអនុវត្ត គម្រោងលើកកម្ពស់ភាពជាអ្នកដឹកនាំរបស់ស្ដ្រីក្នុងវិស័យសាធារណការ និងដឹកជញ្ជូនកម្ពុជា ដំណាក់កាលទី២ ក្រោមជំនួយសហប្រតិបត្តិការពីរដ្ឋាភិបាល នៃប្រទេសអូស្ដ្រាលី៕