អាជ្ញាធរខណ្ឌ ៧ មករា បានធ្វើការជួសជុលផ្លូវជង្ហុកសំបុកមាន់ក្នុងមូលដ្ឋាន ដើម្បីសម្រួលដល់ការធ្វើដំណើររបស់ប្រជាពលរដ្ឋ។ជាក់ស្ដែងក្រុមការងារជំនាញបានធ្វើការជួសជុលផ្លូវជង្ហុកសំបុកមាន់ចាប់ពីចំណុចផ្លូវលេខ ១៣៤ កែង ១០៧ រហូតដល់កំណាត់ផ្លូវលេខ ១៣៤ កែង ២១៥ ស្ថិតក្នុងមូលដ្ឋានខណ្ឌ ៧ មករា រាជធានីភ្នំពេញ។លោក ឈុំ កុសល ជាប្រជាពលរដ្ឋ លើកឡើងថា ដំបូងឡើយ ជង្ហុកទាំងអស់នេះ គឺ តូចៗ នោះទេ តែដោយសារភ្លៀងធ្លាក់ផង ក៏មានទឹកដក់កើតជាជង្ហុកធំទៅៗ។ ជង្ហុកទាំងនេះ តែងតែបង្កគ្រោះថ្នាក់ដល់អ្នកធ្វើដំណើរឆ្លងកាត់មើលមិនឃើញធ្លាក់ ហើយដួលផងដែរ។លោកក៏បានសាទរ និងសម្ដែងក្ដីសប្បាយរីករាយយ៉ាងខ្លាំងចំពោះការយកចិត្តទុកដាក់ពីអាជ្ញាធរមូលដ្ឋាន នៅពេលដែលលោក និងពលរដ្ឋ បានសំណូមពរសុំឲ្យជួសជុលជង្ហុកនេះ មិនយូរប៉ុន្មាន ក៏ឃើញមានការអ៊ុតកៅស៊ូបានយ៉ាងស្អាតងាយស្រួលក្នុងការធ្វើដំណើរ។អាជ្ញាធរមូលដ្ឋានខណ្ឌ ៧ មករា ក៏បានសំណូមពរប្រជាពលរដ្ឋរស់នៅក្នុងមូលដ្ឋាន សូមឈប់យកស៊ីម៉ងត៍ចាក់នៅលើផ្លូវដែលជាហេតុនាំឲ្យមានទឹកដក់លើផ្លូវ ធ្វើឲ្យផ្លូវឆាប់ខូច មិនអាចប្រើប្រាស់បានយូរអង្វែង និងកើតជាជង្ហុកផងដែរ៕