កិច្ចប្រជុំពិនិត្យបូកសរុបលទ្ធផលការងារសម្រេចបានក្នុងខែកក្កដា និងទិសដៅការងាររបស់ អគ្គនាយកដ្ឋានបច្ចេកវិទ្យា និងទំនាក់ទំនងសាធារណៈ ទីស្តីការក្រសួង៖ នាព្រឹកថ្ងៃពុធ ទី៦ ខែសីហា ឆ្នាំ២០២៥ ឯកឧត្តម ឈួន វិន រដ្ឋលេខាធិការក្រសួងសាធារណការ និងដឹកជញ្ជូន ទទួលបន្ទុកអគ្គនាយកដ្ឋានបចេ្ចកវិទ្យា និងទំនាក់ទំនងសាធារណៈ (ប.ទ.ស.) បានអញ្ជើញដឹកនាំកិច្ចប្រជុំពិនិត្យបូកសរុបលទ្ធផលការងារសម្រេចបានក្នុងខែកក្កដា និងទិសដៅការងាររបស់ អគ្គនាយកដ្ឋាន ដោយមានការចូលរួមពី ឯកឧត្តមអនុរដ្ឋលេខាធិការទទួលបន្ទុក ឯកឧត្តមទីប្រឹក្សាក្រសួង ថ្នាក់ដឹកនាំអគ្គនាយកដ្ឋាន និងនាយកដ្ឋានចំណុះ។ កិច្ចប្រជុំនេះ ត្រូវបានធ្វើឡើងដើម្បីបូកសរុបលទ្ធផលការងារបច្ចេកវិទ្យា និងការផ្សព្វផ្សាយក្នុងវិស័យសាធារណការ និងដឹកជញ្ជូន ដែលសម្រេចបានក្នុងខែកក្កដា ឆ្នាំ២០២៥ និងទិសដៅការងារសម្រាប់អនុវត្តក្នុង ខែសីហា ឆ្នាំ២០២៥ ដោយពិនិត្យពិភាក្សាលើបញ្ហាប្រឈម និងដំណោះស្រាយនានា ដែលក្រុមការងារជំនាញបានជួបប្រទះក្នុងអំឡុងពេលអនុវត្តការងារ ដែលសំដៅធ្វើយ៉ាងណា ត្រូវអនុវត្តការងារតាមតួនាទីភារកិច្ចដែលបានដាក់ចេញ និងសម្រេចការងារបានឱ្យតាមផែនការ និងមានប្រសិទ្ធភាពថែមទៀត៕