ពិធីសំណេះសំណាល និងប្រកាសបញ្ចូលសកម្មជន និងសមាជិកពីគណបក្សផ្សេងៗ ចំនួន ៩០រូប ជាសមាជិក គណបក្សប្រជាជនកម្ពុជា ក្នុងស្រុកកោះធំ ខេត្តកណ្តាល ក្រោមអធីបតីភាព ឯកឧត្តម ប៉េង ពោធិ៍នា សមាជិកគណៈអចិន្រ្តៃយ៍គណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការគណបក្សក្រសួងសាធារណការ និងដឹកជញ្ជូន និងជាប្រធានក្រុមការងារគណបក្សចុះមូលដ្ឋានស្រុកកោះធំ នាព្រឹក ថ្ងៃសៅរ៍ ទី១២ ខែកក្កដា ឆ្នាំ២០២៥ ឯកឧត្តម ប៉េង ពោធិ៍នា សមាជិកគណៈអចិន្រ្តៃយ៍គណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការគណបក្សក្រសួងសាធារណការ និងដឹកជញ្ជូន និងជាប្រធានក្រុមការងារគណបក្សចុះមូលដ្ឋានស្រុកកោះធំ បានអញ្ជើញជាអធិបតីក្នុងពិធីសំណេះសំណាល និងប្រកាសសេចក្តីសម្រេចបញ្ចូលសមាជិក គណបក្សប្រជាជនកម្ពុជា ក្នុងស្រុកកោះធំ ខេត្តកណ្តាល ថ្មីចំនួន ៩០រូប ដែលជាសកម្មជន និងសមាជិកពីគណបក្សផ្សេងៗ។ ពិធីនេះក៏ការចូលរួមពី ឯកឧត្តម លោកជំទាវ ការងារគណបក្សចុះមូលដ្ឋានស្រុក លោក លោកស្រី សមាជិក សមាជិកាក្រុមការងារគណបក្សចុះមូលដ្ឋានស្រុក-ឃុំ ក្នុងស្រុកកោះធំជាច្រើនរូប។ ឯកឧត្តមប្រធាន បានសំណេះសំណាល និងស្វាគមន៍ ដល់បងប្អូនដែលជាសមាជិកគណបក្សទាំងអស់ និងសមាជិកដែលទើបបញ្ចូលថ្មី ដែលបានចូលរួមជាមួយគណបក្សប្រជាជនកម្ពុជា ដែលជាគណបក្សដែលមានភាពចាស់ទុំ និងមានអាយុកាល៧៤ឆ្នាំហើយ។ ក្នុងរយៈពេលដ៏វែងឆ្ងាយនេះ ទោះបីត្រូវប្រឈមនឹងការវិវត្តដ៏ស្មុគស្មាញបំផុតនៃសភាពការណ៍ជាតិ និងសភាពការណ៍អន្តរជាតិយ៉ាងណាក្ដី ក៏គណបក្សប្រជាជន បានផ្សារភ្ជាប់ខ្លួនយ៉ាងជិតស្និទ្ធជាមួយជោគវាសនារបស់ជាតិ និងប្រជាជន។ ឯកឧត្តមប្រធាន ក៏បានឲ្យសមាជិក សមាជិការ ក្នុងអង្គពិធីទាំងមូលឱ្យជឿជាក់លើរាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា ក្នុងការដោះស្រាយបញ្ហាព្រំដែន ដោយរាជរដ្ឋាភិបាលនឹងព្យាយាមដោះស្រាយឱ្យអស់លទ្ធភាព និងមិនរុញច្រានប្រទេសឱ្យធ្លាក់ក្នុងសង្គ្រាមនោះឡើយ យើងត្រូវរួបរួមគ្នាជាធ្លុងមួយ ដើម្បីទប់ស្កាត់ និងបំផ្លាញមហិច្ឆតានយោបាយរបស់ក្រុមជ្រុលនិយមមួយក្ដាប់តូច ដែលតែងតែបញ្ឆេះកំហឹងជាតិសាសន៍ និងយកបញ្ជព្រំដែនជារបៀបវារៈបម្រើនយោបាយទុច្ចរិតរបស់ខ្លួន ហើយសូមជឿជាក់លើការដឹកនាំរបស់ សម្តេច ហ៊ុន សែន ប្រធានគណបក្ស និងសម្ដេចធិបតី ហ៊ុន ម៉ាណែត អនុប្រធានគណបក្សរបស់យើង។