ពិធីប្រគល់-ទទួលឧបករណ៍ពិសោធន៍សម្រាប់ផ្តល់ការសិក្សា និងអនុវត្តជូននិស្សិតវិទ្យាស្ថាន ជាជំនួយឧបត្តម្ភរបស់ក្រុមហ៊ុន Hubei Geological Exploration ( Cambodia)Co,.Ltd នៃសាធារណរដ្ឋប្រជាមានិតចិន ទីស្ដីការក្រសួង ៖ នារសៀលថ្ងៃព្រហស្បតិ៍ ទី១០ ខែកក្កដា ឆ្នាំ២០២៥ ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ប្រាងហង្ស សេរីរិទ្ធ នាយកវិទ្យាស្ថាន បានទទួលជួបពិភាក្សាការងារជាមួយ លោក ZHU Ze អគ្គនាយកក្រុមហ៊ុន និងសហការី ក្នុងពិធីប្រគល់-ទទួលឧបករណ៍ពិសោធន៍សម្រាប់ផ្តល់ការសិក្សា និងអនុវត្តជូននិស្សិតវិទ្យាស្ថាន ជាជំនួយឧបត្តម្ភរបស់ក្រុមហ៊ុន Hubei Geological Exploration ( Cambodia)Co,.Ltd នៃសាធារណរដ្ឋប្រជាមានិតចិន ដោយមានការ ចូលរួមពី លោក- លោកស្រី ជានាយករងវិទ្យាស្ថាន ប្រធាននាយកដ្ឋាន និងថ្នាក់ដឹកនាំ-មន្ត្រីពាក់ពន្ធ័ផងដែរ។ ជំនួបពិភាក្សាការងារនេះធ្វើឡើងក្នុងគោលបំណងដើម្បីប្រគល់-ទទួលឧបករណ៍ពិសោធន៍ក្នុងការផ្តល់លទ្ធភាពបន្ថែមសម្រាប់វិទ្យាស្ថាន អាចផ្គត់ផ្គង់នូវតម្រូវការចុះអនុវត្តផ្ទាល់ និងការពិសោធន៍របស់និស្សិតបានកាន់តែទូលំទូលាយ ជាពិសេសអាចបង្កលក្ខណៈងាយស្រួលដល់និស្សិតវិទ្យាស្ថាន និងមន្ត្រីជំនាញ អាចមានជម្រើសក្នុងការធ្វើការអនុវត្តនៅមុខជំនាញរបស់ខ្លួនដែលចង់អនុវត្ត។ គូសបញ្ជាក់ផងដែរថា៖ កន្លងមកក្រុមហ៊ុន Hubei Geological Exploration ( Cambodia)Co,.Ltd នៃសាធារណរដ្ឋប្រជាមានិតចិន បានជួយឧបត្តម្ភអាហារូបករណ៍ជូននិស្សិតវិទ្យាស្ថានមួយចំនួន និងបានទទួលនិស្សិតទៅហាត់ការ និងផ្តល់លទ្ធភាពការងារជូនដល់និស្សិតវិទ្យាស្ថានផងដែរ ក្នុងការអនុវត្តលើគម្រោងថ្នាក់ជាតិនានាផងដែរ៕