ជំនួបសម្តែងការគួរសម និងជម្រាបលាជាមួយគណៈប្រតិភូមូលនិធិសហប្រតិបត្តិការអភិវឌ្ឍន៍សេដ្ឋកិច្ចកូរ៉េប្រចាំនៅព្រះរាជាណាចក្រកម្ពុជា (EDCF) ទីស្តីការក្រសួង៖ នារសៀលថ្ងៃពុធ ទី៩ ខែកក្កដា ឆ្នាំ២០២៥ ឯកឧត្តម សូរ វ៉ិចទ័រ រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានទទួលជួបជាមួយលោកស្រី Minnie Chey នាយិកាមូលនិធិសហប្រតិបត្តិការអភិវឌ្ឍន៍សេដ្ឋកិច្ចកូរ៉េ ប្រចាំនៅព្រះរាជាណាចក្រកម្ពុជា (EDCF) និងប្រតិភូ ដើម្បីសម្ដែងការគួរសម និងជម្រាបលា ដែលលោកស្រីបានបញ្ចប់បេសកកម្មនៅប្រទេសកម្ពុជា ដោយមានការចូលរួមពី ឯកឧត្តម លោកជំទាវ ថ្នាក់ដឹកនាំក្រសួង និងមន្រ្តីពាក់ព័ន្ធ។ ជំនួបនេះធ្វើឡើងក្នុងគោលបំណងដើម្បីជួបសម្ដែងការគួរសម ក៏ដូចជាជម្រាបលា ដែលលោកស្រីបានបញ្ចប់ការងារពីប្រទេសកម្ពុជា (ពីខែមករា ឆ្នាំ២០២២ ដល់ថ្ងៃទី១៥ ខែកក្កដា ឆ្នាំ ២០២៥) និងណែនាំនូវសមាសភាពថ្មី ដែលត្រូវមកបំពេញភារកិច្ចបន្តពីលោកស្រី Minnie Chey គឺលោក Bonhyun KOO៕