កិច្ចប្រជុំពិភាក្សាលើផែនការសកម្មភាពលម្អិតសម្រាប់ចុះកំណត់និយាមកា និងបោះបង្គោលព្រំដីតាមបណ្តោយព្រែកហ្វូណនតេជោ ក្នុងភូមិសាស្ត្រខេត្តកែប ខេត្តកែប ៖ នាព្រឹកថ្ងៃអង្គារ ទី១ ខែកក្កដា ឆ្នាំ២០២៥ ឯកឧត្តម តាំង សាមឿន អនុរដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានក្រុមការងារបច្ចេកទេសពិសេសទទួលបន្ទុកផ្ទៀងផ្ទាត់និយាមកា និងបោះបង្គោលព្រំដី តាមបណ្តោយព្រែកជីកហ្វូណនតេជោ ក្នុងភូមិសាស្ត្រខេត្តកំពត និងខេត្តកែប រួមជាមួយ លោក ហ៊ួរ មិថុនា អភិបាលរង នៃគណៈអភិបាលខេត្តកែប និងជាតំណាង ឯកឧត្តម សោម ពិសិដ្ឋ អភិបាលខេត្ត អញ្ជើញជាសហប្រធាន ក្នុងកិច្ចប្រជុំពិភាក្សាលើផែនការសកម្មភាពលម្អិតសម្រាប់ចុះកំណត់និយាមកា និងបោះបង្គោលព្រំដីតាមបណ្តោយព្រែកហ្វូណនតេជោក្នុងភូមិសាស្ត្រខេត្តកែប។ កិច្ចប្រជុំខាងលើនេះ មានការចូលរួមពីសំណាក់ក្រុមការងារបច្ចេកទេសអន្តរក្រសួង ព្រមទាំងបុគ្គលិក មន្ត្រីរាជការនៃរដ្ឋបាលសាលាខេត្ត រដ្ឋបាលសាលាស្រុក មន្ទីរ និងរដ្ឋបាលសាលាឃុំ-សង្កាត់ពាក់ព័ន្ធ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube