ផ្លូវក្រាលក្រួសក្រហមដែលបានកសាងជូនដល់ប្រជាពលរដ្ឋនៅសហគមន៍ទេសចរណ៍ជីផាត តាមរយៈគម្រោងរេដបូកស្ថិតនៅក្នុង ស្រុក ថ្មបាំង ខេត្ត កោះកុង កំពុងត្រូវបានបម្រើដល់ ការ ប្រើប្រាស់ជីវិតប្រចាំថ្ងៃ និងក៏ជាសរសៃឈាមសំខាន់ទាំងការដឹកជញ្ជូន វិស័យទេសចរណ៍ កសិកម្ម ហើយទាំងនេះត្រូវបានប្រជាពលរដ្ឋចាត់ទុកថាបានលើ កស្ទួយជីវភាពពួក គាត់កាន់តែប្រសើរឡើង។លោក សុន សុភឿន រស់នៅក្នុងស្រុកបាំង ខេត្តកោះកុង បានប្រាប់ឱ្យដឹ ងថាក្រោយ កសាងផ្លូវរួចរាល់ ដែលជាគម្រោងរបស់រេដបូកនេះមកឃើញថាសន្ទុះ នៃ ចរាចរដឹកជ ញ្ជូនល្អប្រសើរណាស់ក្នុ ងនេះមិនថាជាប្រជាពលរដ្ឋ សិស្សានុសិស្សទេគឺអាចប្រើប្រាស់បានងា យស្រួលខុសប្លែកពីមុនផ្លូវតូច ហើយសម្បូរដោយជង្ហុកពិបាកក្នុងការធ្វើដំណើរណាស់។ ក្រៅពីនេះបើនិយាយពីវិស័យទេសចរណ៍វិញក្រោយមានផ្លូវមកគឺអ្នកទេសចរអាចធ្វើដំណើរតាមរថយន្តតូចធំមកកាន់ទីកន្លែងនេះមិនពិបាកទៀតឡើយ។ លោកបានប្រាប់ថាតាមរយៈការជួយឧបត្ថម្ភជាច្រើនដែលក្នុងនេះរួមមានទាំង អណ្តូងទឹក ផ្លូវថ្នល់ អាហាររូបករណ៍សិស្ស ជួយកសាងមណ្ឌលសុខភាព នោះបានធ្វើឱ្យ សហគមន៍ទេសចរណ៍ជីផាត ផ្លាស់ប្តុរមុខមាត់ថ្មីខុសគ្នាឆ្ងាយណាស់ ពោលគឺបើគេគ្រា ន់តែគិតត្រឹម ឆ្នាំ២០២៣ដល់ឆ្នាំ២០២៥នេះឃើញថាទាំងវិស័យទេសចរណ៍ និងជីវភាពព លរដ្ឋមានប្តូរផ្លាស់រកនឹកស្មានមិនដល់ទេ។ក្នុងនេះពលរដ្ឋមានផ្ទះល្អៗរស់នៅ មានរថយន្ត មានមុខរបរច្បាស់លាស់ និងពិសេសកូនៗរបស់ពួកគាត់រៀនបានកាន់តែខ្ពង់ខ្ពស់។ចំណែក លោក ហង្ស សុខហេង គណៈកម្មាធិការ នៃ សហគមន៍ ទេសចរណ៍ជីផា តបានប្រា ប់ឱ្យដឹងថាគម្រោងរេដបូកបានជួយផ្លូវចំនួន ៣ភូមិ ស្ថិតនៅឃុំ ជីផាត ក្នុងនេះភូមិនីមួ យៗបានផ្លូវក្រាលក្រួសក្រហមមួយគីឡូម៉ែត្រ។អំណោយផ្លូវ ទាំងនេះដែរពិតជាបានជួយ សម្រួលយ៉ាងច្រើនទៅលើការដឹកជញ្ជូនដំណាំកសិកម្ម វិស័យទេសចរណ៍ កូនសិស្សទៅ សាលារៀន ។ ក្រៅពីនេះក៏បានជួយបង្កើតជាមុខរបរសម្រាប់ពលរដ្ឋ ជួយបង្កើតជាតំប ន់ទេសចរណ៍ធម្មជាតិ ដើម្បីឱ្យពួកគាត់រកចំណូលពីភ្ញៀវទេសចរណ៍ ដូចជា ការលក់ដូរម្ហូបអា ហារ និងការផ្ដល់សេវាស្នាក់នៅដល់អ្នកទេសចរ និងធ្វើការងារជាភ្នាក់ងារកា រពារព្រៃឈើសហគមន៍ជាដើម។ ពាក់ព័ន្ធគម្រោងរេដបូកនេះដែរឯកឧត្តម ខ្វៃ អាទិត្យា មន្រ្តីអ្នកនាំពាក្យក្រសួង បរិស្ថានបាន ថ្លែងថា តាមរយៈការអភិវឌ្ឍន៍ជីវភាពប្រជាសហគមន៍ជាមួយដៃគូ និងតាមរយៈគម្រោង រេដបូកពិតជាមានសារៈសំខាន់សម្រាប់ឆ្លើយតបទៅនឹងជីវភាពប្រជាពលរដ្ឋពិសេសបានជួយទប់ស្កាត់ និងការពារធនធានធម្មជាតិ។កិច្ចការពារអភិរក្សធនធានធម្មជាតិនេះ ដែរគឺទាល់តែ បងប្អូនប្រជាសហគមន៍មានជីវភាពល្អប្រសើរផងដែរ។ ឯកឧត្តម បានបញ្ជាក់ផងថានាពេលបច្ចុប្បន្នក្រសួងបរិស្ថានបាន យកចិត្តទុកដាក់ការអភិវឌ្ឍ ន៍ជីវភាពសហគមន៍តាមរយៈក្នុងនេះទី១ជំរុញជីវភាពសហគមន៍ដោយបង្កើតមុខរបរ ពួកគាត់ អាចដាំបន្លែ ចិញ្ចឹមសត្វឬបង្កើតទេសចរណ៍ធម្មជាតិដែលអាចចំណូលបានល្អប្រសើរជាង ការចូលព្រៃដែលប្រឈមនឹងផ្លូវច្បាប់។ គួរបញ្ជាក់ថា តំបន់អេកូទេសចរណ៍ជីផាត ជាតំបន់សហគមន៍ទេសចរណ៍បែបធម្មជាតិបែប ផ្សងព្រេងដ៏មានសក្តានុពលបំផុតមួយដែលគេ ប្រៀបប្រដូចទៅនឹងកំណប់ធនធានធម្មជាតិ ។ក្រៅពីនេះក៏ជាទីកន្លែងសម្រាប់សិក្សាស្រាវជ្រាវពីបុរាណវិទ្យា ប្រពៃណី វប្បធម៌ អរិយធម៌ និងធម្មជាតិនៃសត្វព្រៃជាដើម។សូមជម្រាបថាផ្លូវ ភូមិក្រាលគ្រួសក្រហម ទាំង៣ខ្សែដែលជាអំណោយនៃគម្រោ ងរេដបូកនៃជួរ ភ្នំក្រវាញខាងត្បូងនេះដែរត្រូវបានសម្ពោធដាក់ឱ្យប្រើប្រាស់ជាផ្លូវការនៅអំឡុងពាក់កណ្តាល ខែមករា ឆ្នាំ២០២៣៕