កិច្ចប្រជុំផ្សព្វផ្សាយគម្រោងអភិវឌ្ឍន៍ហេដ្ឋារចនាសម្ព័ន្ធទីក្រុង (UIDP) ក្រោមក្របខណ្ឌហិរញ្ញប្បទានធនាគារវិនិយោគហេដ្ឋារចនាសម្ព័ន្ធអាស៊ី (AIIB) ទីស្តីការក្រសួង៖ នាព្រឹកថ្ងៃចន្ទ ទី១៦ ខែមិថុនា ឆ្នាំ២០២៥ ឯកឧត្តម ហេង ណន រដ្ឋលេខាធិការ និងជានាយកគម្រោង ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំផ្សព្វផ្សាយគម្រោងអភិវឌ្ឍន៍ហេដ្ឋារចនាសម្ព័ន្ធទីក្រុង (UIDP) ក្រោមក្របខណ្ឌហិរញ្ញប្បទានធនាគារវិនិយោគហេដ្ឋារចនាសម្ព័ន្ធអាស៊ី (AIIB) ដោយមានការចូលរួមពីអង្គភាពគ្រប់គ្រងគម្រោង តំណាងរដ្ឋបាលខេត្ត (ខេត្តកំពង់ចាម ខេត្តតាកែវ ខេត្តកំពង់ឆ្នាំង និងខេត្តព្រៃវែង) ព្រមទាំងរដ្ឋបាលក្រុង និងមន្ទីរសាធារណការ និងដឹកជញ្ជូនចំណុះអោយខេត្តទាំងបួន។ កិច្ចប្រជុំនេះត្រូវបានរៀបចំឡើងក្នុងគោលបំណងផ្សព្វផ្សាយគម្រោងនេះ ដល់អង្គភាពស្ថាប័នពាក់ព័ន្ធ ជាពិសេសតំបន់ដែលនឹងទទួលផលអំពីផែនការប្រតិបត្តិរបស់គម្រោង ដើម្បីត្រៀមលក្ខណៈចូលរួមសហការ ក៏ដូចជាគិតគូរជាមុនអំពីផលប៉ះពាល់បរិស្ថាន សុវត្ថិភាពសង្គម ដែលអាចជួបប្រទះ និងត្រៀមយន្តការដោះស្រាយ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube