វេទិកាសន្ទនាអ្នកវិនិយោគចិនក្រៅប្រទេស និងប្រទេសជាសមាជិក នៃកិច្ចព្រមព្រៀងស្តីពីភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ប្រទេសចិន៖ កាលពីថ្ងៃទី៣ ដល់ថ្ងៃទី៦ ខែមិថុនា ឆ្នាំ២០២៥ ឯកឧត្តម នឹម សុធា អនុរដ្ឋលេខាធិកា ក្រសួងសាធារណការ និងដឹកជញ្ជូន បានអញ្ជើញចូលរួមក្នុងវេទិកាសន្ទនាអ្នកវិនិយោគចិនក្រៅប្រទេស និងប្រទេសជាសមាជិក នៃកិច្ចព្រមព្រៀងស្តីពីភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) នៅខេត្ត Anhui សាធារណរដ្ឋប្រជាមានិតចិន ដែលមានវេទិកាចំនួន២ ស្តីពី ‘New Energy Vehicles, Advanced Photovoltaic Industry, and Supply Chains Cooperation’ នៅទីក្រុង Hefei និងកិច្ចសហប្រតិបត្តិការទីក្រុងសម្ព័ន្ធមេត្រីភាព នៅទីក្រុង HuangShan។ ក្នុងវេទិកានេះក៏មានអមដំណើរចូលរួមពី លោកអគ្គនាយករង លោកប្រធាននាយកដ្ឋាន និងលោកប្រធានការិយាល័យ នៃអគ្គនាយកដ្ឋានដឹកជញ្ជូនផ្លូវគោក។ វេទិកានេះធ្វើឡើងក្នុងគោលបំណងដើម្បីជំរុញការបង្កើតខ្សែបណ្តាញឧស្សាហកម្មដែលបំពេញគ្នារវាងសាធារណរដ្ឋប្រជាមានិតចិន និងប្រទេសក្នុងតំបន់អាស៊ាន និងជំរុញដល់ការធ្វើពាណិជ្ជកម្ម និងការវិនិយោគលើរថយន្តថាមពលថ្មី ឧស្សាហកម្មថាមពលពន្លឺព្រះអាទិត្យ និងក្រុមហ៊ុន សហគ្រាសនានា ដែលរៀបចំរួមគ្នាដោយអាជ្ញាធរថ្នាក់ក្រោមជាតិ ទីក្រុង Hefei នៃខេត្ត Anhui ជាមួយនឹងគណៈកម្មាធិការសហការឧស្សាហកម្ម RCEP (RICC)។ ព្រឹត្តិការណ៍នេះធ្វើឡើងនៅទីក្រុង Hefei នៅថ្ងៃទី ៤ ខែមិថុនា ឆ្នាំ២០២៥ ក្នុងកម្រងវេទិកាទីក្រុង Huangshan៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube