កិច្ចប្រជុំអន្តរក្រសួងចង្អៀត ដើម្បីពិនិត្យ និងពិភាក្សាលើសេចក្ដីព្រាងអនុក្រឹត្យស្ដីពី “ការគ្រប់គ្រងផ្លូវឆ្លងកាត់ផ្លូវដែក និងដីចំណីផ្លូវដែក” ទីស្តីការគណៈរដ្ឋមន្រ្តី៖ នាថ្ងៃទី២៨ ខែឧសភា ឆ្នាំ២០២៥ ឯកឧត្តម ប៉ាល់ ចន្ទតារា រដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំក្រុមការងារជំនាញ ចូលរួមកិច្ចប្រជុំអន្តរក្រសួងចង្អៀត ដើម្បីពិនិត្យ និងពិភាក្សាលើសេចក្ដីព្រាងអនុក្រឹត្យស្ដីពី “ការគ្រប់គ្រងផ្លូវឆ្លងកាត់ផ្លូវដែក និងដីចំណីផ្លូវដែក” ក្រោមអធិបតីភាពសហប្រធាន ឯកឧត្តម អ៊ុត ស៊ីណាត រដ្ឋលេខាធិការ ទីស្តីការគណៈរដ្ឋមន្រ្តី និងឯកឧត្ដម អ៊ូច ថោងសេង អនុប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌។ កិច្ចប្រជុំនេះមានការចូលរួមពី ឯកឧត្តម លោកជំទាវ ជាសមាជិក សមាជិកានៃក្រុមប្រឹក្សាអ្នកច្បាប់ ក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ ក្រុមប្រឹក្សាជាតិភាសាខ្មែរ ព្រមទាំង ឯកឧត្តម លោកជំទាវតំណាងទីស្តីការគណៈរដ្ឋមន្ត្រី ក្រសួង ស្ថាប័នជំនាញ និងរដ្ឋបាលរាជធានី ខេត្តពាក់ព័ន្ធ។ ជាលទ្ធផលអង្គប្រជុំបានពិនិត្យ និងពិភាក្សាលើទិដ្ឋភាពច្បាប់ និងទិដ្ឋភាពបច្ចេកទេស ដោយកែសម្រួលលើខ្លឹមសារ និងពាក្យពេចន៍ ដើម្បីធ្វើយ៉ាងណាធានាឱ្យសេចក្ដីព្រាងអនុក្រឹត្យខាងលើ មានខ្លឹមសារ និងធាតុផ្សំគ្រប់ជ្រុងជ្រោយ ព្រមទាំងមានអនុលោមភាព និងសង្គតិភាពជាមួយច្បាប់ និងលិខិតបទដ្ឋានគតិយុត្តដែលនៅជាធរមាន៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube