ជំនួបសម្តែងការគួរសម និងពិភាក្សាការងារលើលទ្ធភាព និងកាលានុវត្តភាពក្នុងការចូលរួមវិនិយោគពីវិស័យឯកជនលើវិស័យហេដ្ឋារចនាសម្ព័ន្ធ ជាពិសេសលើប្រព័ន្ធចម្រោះទឹកកខ្វក់ និងប្រព័ន្ធដឹកជញ្ជូនសាធារណៈក្នុងទីក្រុង ទីស្ដីការក្រសួង៖ នាថ្ងៃព្រហស្បតិ៍ ទី២៩ ខែឧសភា ឆ្នាំ២០២៥ ឯកឧត្ដម វ៉ាស៊ឹម សុរិយា អនុរដ្ឋលេខាធិកា តំណាងដ៏ខ្ពង់ខ្ពស់ឯកឧត្តមរដ្ឋមន្រ្តីក្រសួងសាធារណការ និងដឹកជញ្ជូន បានអញ្ជើញទទួលជំនួបសម្តែងការគួរសម និងពិភាក្សាការងារជាមួយគណៈប្រតិភូក្រុមហ៊ុន WAPCOS Limited ដែលជាសហគ្រាសវិស័យសាធារណៈ នៃក្រសួង Jal Shakti សាធារណរដ្ឋឥណ្ឌា ដែលដឹកនាំដោយ Mr. Sanjay Sharma, Senior General Manager ដោយមានការអញ្ជើញចូលពីសំណាក់ ឯកឧត្តមអគ្គនាយក តំណាងអគ្គនាយកដ្ឋានពាក់ព័ន្ធ និងមន្រ្តីជំនាញផងដែរ។ ជំនួបនេះធ្វើឡើងក្នុងគោលបំណងដើម្បីពិភាក្សា និងផ្លាស់ប្ដូរយោបល់គ្នារវាងក្រសួងសាធារណការ និងដឹកជញ្ជូន ជាមួយវិស័យឯកជនពីលទ្ធភាព និងកាលានុវត្តភាពក្នុងការចូលរួមវិនិយោគលើវិស័យហេដ្ឋារចនាសម្ព័ន្ធ ជាពិសេសលើប្រព័ន្ធចម្រោះទឹកកខ្វក់ និងប្រព័ន្ធដឹកជញ្ជូនសាធារណៈក្នុងទីក្រុង៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube