កិច្ចប្រជុំផ្សព្វផ្សាយសារាចរណែនាំលេខ០០៦ ពិនិត្យ និងពិភាក្សាលើវឌ្ឍនភាពគម្រោងវិនិយោគក្រោមក្របខណ្ឌឥណទានថវិកាជំពូក៦១ និងជំពូក២១ និងរៀបចំផែនការ ៣ឆ្នាំរំកិល ២០២៦-២០២៨ ទីស្ដីការក្រសួង៖ នាថ្ងៃចន្ទ ទី២៦ ខែឧសភា ឆ្នាំ២០២៥ ឯកឧត្តម ហេង រត្នពិសិដ្ឋ អគ្គនាយកសាធារណការ និងឯកឧត្តម ហ៊ាង វុត្ថា អគ្គនាយកបច្ចេកទេស ជាសហប្រធានដឹកនាំកិច្ចប្រជុំផ្សព្វផ្សាយសារាចរណែនាំលេខ០០៦ ពិនិត្យ និងពិភាក្សាលើវឌ្ឍនភាពគម្រោងវិនិយោគក្រោមក្របខណ្ឌឥណទានថវិកាជំពូក៦១ និងជំពូក២១ និងរៀបចំផែនការ ៣ឆ្នាំរំកិល ២០២៦-២០២៨ ដោយមានការ ចូលរួមពី លោកអគ្គនាយករងសាធារណការ អគ្គនាយករងបច្ចេកទេស តំណាងនៃអគ្គនាយកដ្ឋានក់ព័ន្ធ មន្ត្រីជំនាញក្រោមឱវាទក្រសួង ព្រមទាំងមន្ទីរសាធារណការ និងដឹកជញ្ជូនរាជធានី-ខេត្តទាំង២៥ ខេត្ត-ក្រុង។ កិច្ចប្រជុំបានលើកឡើងអំពីសារាចរណែនាំ ស្តីពីការកំណត់លក្ខខណ្ឌទូទាត់ និងរយៈពេលធានាសុពលភាពនៃគុណភាពសំណង់ និងពិនិត្យ ពិភាក្សាលើវឌ្ឍនភាពគម្រោងវិនិយោគក្រោមក្របខណ្ឌឥណទានថវិកាជំពូក៦១ និងជំពូក២១ ព្រមទាំងពិភាក្សាលើការរៀបចំផែនការ ៣ឆ្នាំរំកិល ២០២៦-២០២៨ ដោយសង្កត់ធ្ងន់លើកំណត់យកអាទិភាពជាចម្បង និងតម្រូវការជាចាំបាច់ ដើម្បីឱ្យស្របតាមយុទ្ធសាស្រ្តរបស់រាជរដ្ឋាភិបាល។ បន្ថែមពីលើនេះអង្គប្រជុំក៏បានលើកឡើងអំពីបញ្ហាប្រឈម និងរកដំណោះស្រាយនានា ដែលកើតមានក្នុងពេលអនុវត្តគម្រោង៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube