កិច្ចប្រជុំពង្រឹងសមត្ថភាពមន្ត្រីបង្គោល របស់មជ្ឈមណ្ឌលចែកចាយព័ត៌មានស្តីពីការប្រយុទ្ធប្រឆាំងនឹងចោរសមុទ្រ និងចោរប្លន់នាវាប្រដាប់អាវុធនៅទ្វីបអាស៊ី សៀមរាប៖ នៅថ្ងៃទី២០ ខែឧសភា ឆ្នាំ២០២៥ អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ នៃក្រសួងសាធារណការ និងដឹកជញ្ជូន បានសហការជាមួយមជ្ឈមណ្ឌលចែកចាយព័ត៌មានស្តីពីការប្រយុទ្ធប្រឆាំងនឹងចោរសមុទ្រ និងចោរប្លន់នាវាប្រដាប់អាវុធនៅទ្វីបអាស៊ី (ReCAAP ISC) រៀបចំកិច្ចប្រជុំពង្រឹងសមត្ថភាពមន្ត្រីបង្គោលនៃ ReCAAP ISC ដែលមានរយ:ពេល៣ថ្ងៃ ចាប់ពីថ្ងៃទី២០ ដល់ថ្ងៃទី២២ ខែឧសភា ឆ្នាំ២០២៥ ក្រោមអធិបតីភាព ឯកឧត្តម ហេង សុធី អគ្គនាយកនៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ និងជាអភិបាលកម្ពុជាប្រចាំ ReCAAP ISC។ កិច្ចប្រជុំនេះមានគោលបំណងចែករំលែកចំណេះដឹងពីការប្រយុទ្ធប្រឆាំងទៅនឹងចោរសមុទ្រ និងចោរប្លន់នាវាប្រដាប់អាវុធ និងការរាយការណ៍យល់ដឹងអំពីច្បាប់ និងបទប្បញ្ញត្តិអន្តរជាតិ និងកិច្ចសហប្រតិបត្តិការជាមួយប្រទេសក្នុងតំបន់អាស៊ី។ សូមជម្រាបជូនថាកិច្ចប្រជុំនេះក៏មានការការចូលរួមពីមន្រ្តីជំនាញដែលបានអញ្ជេីញមកពី ក្រសួងការពារជាតិ ក្រសួងការបរទេស និងសហប្រតិបត្តិការអន្តរជាតិ ក្រសួងមហាផ្ទៃ កំពង់ផែស្វយ័តភ្នំពេញ និងកំពង់ផែស្វយ័តក្រុងព្រះសីហនុ ភ្នាក់ងានាវា និងប្រទេសជាសមាជិក ReCAAP ISCផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube