ស្ពៃក្ដោប ជាដំណាំដែលកសិករពេញនិយមដាំ ពោលគឺអាចដាំបានស្ទើរគ្រប់តំបន់ ប៉ុន្តែសម្រាប់ស្ពៃក្ដោបដែលត្រូវបានដាំដុះនៅខេត្តមណ្ឌលគិរីវិញ គឺមានរសជាតិស្រួយឆ្ងាញ់ប្លែកពីគេ ធ្វើឱ្យដំណាំប្រភេទនេះមានភាពល្បីល្បាញ និងក្លាយជាដំណាំសម្គាល់ភូមិសាស្ត្រនៅខេត្តមណ្ឌលគីរី ផ្ទាល់តែម្ដង។ តាមការឱ្យដឹងពីកសិករដែលជាអ្នកដាំដុះបានឱ្យដឹងថា ចំពោះភាពស្រួយ និងរសជាតិឆ្ងាញ់ប្លែកនេះ បានមកដោយសារតែកត្តាអំណោយផលពីធម្មជាតិ ដូចជាកត្តាដីមានជីជាតិ អាកាសធាតុត្រជាក់ ប្រភពទឹកគ្រប់គ្រាន់ រួមជាមួយនឹងបច្ចេកទេសដាំដុះត្រឹមត្រូវ ធ្វើឱ្យដំណាំនេះមានភាពលេចធ្លោរហូតដល់មហាជនដែលបានទៅលេងខេត្តមណ្ឌលគិរី ត្រូវតែចូលទិញ និងភ្លក្សរសជាតិស្ទើរគ្រប់ៗគ្នា៕ ប្រភពរូបភាពពី៖ PIDA Coffee FARM Lodge