កិច្ចប្រជុំពិនិត្យវឌ្ឍនភាពការងារប្រចាំខែមេសា និងលើកទិសដៅការងារប្រចាំខែឧសភា របស់អគ្គនាយកដ្ឋានបច្ចេកវិទ្យា និងទំនាក់ទំនងសាធារណៈ ទីស្តីការក្រសួង៖ នាព្រឹកថ្ងៃចន្ទ ទី៥ ខែឧសភា ឆ្នាំ២០២៥ ឯកឧត្តម ឈួន វិន រដ្ឋលេខាធិការទទួលបន្ទុក បានអញ្ជើញដឹកនាំកិច្ចប្រជុំពិនិត្យវឌ្ឍនភាពការងារប្រចាំខែមេសា និងលើកទិសដៅការងារប្រចាំខែឧសភា របស់អគ្គនាយកដ្ឋានបច្ចេកវិទ្យា និងទំនាក់ទំនងសាធារណៈ ដោយមានការចូលរួមពីឯកឧត្តមអនុរដ្ឋលេខាធិកា ថ្នាក់ដឹកនាំអគ្គនាយកដ្ឋាន និងថ្នាក់ដឹកនាំនាយកដ្ឋានចំណុះទាំង៣ ព្រមទាំងមន្ត្រីជំនាញពាក់ព័ន្ធជាច្រើនរូបផ្សេងទៀត។ កិច្ចប្រជុំនេះ ត្រូវបានរៀបចំឡើងក្នុងគោលបំណង ដើម្បីពិនិត្យពិភាក្សាលើវឌ្ឍនភាពការងាររបស់អគ្គនាយកដ្ឋាន និងពិភាក្សាពីបញ្ហាប្រឈមផ្សេងៗ ដើម្បីស្វែងរកដំណោះស្រាយ ក្នុងការរៀបចំផែនការសកម្មភាពនិងទិសដៅអនុវត្តការងារបន្ត ធ្វើយ៉ាងណាឱ្យសម្រេចបាននូវផែនការរួម ក្នុងការបំពេញតួនាទីភារកិច្ចរបស់អគ្គនាយកដ្ឋានបច្ចេកវិទ្យា និងទំនាក់ទំនងសាធារណៈ ឱ្យកាន់តែមានប្រសិទ្ធភាព ស្របទៅតាមផែនការសកម្មភាពរបស់អគ្គនាយកដ្ឋានដែលបានគ្រោងទុក៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube