មកលេងមណ្ឌលគិរី កុំភ្លេចសាកភក្សរសជាតិតែ ដែលទើបប្រមូលផលថ្មីៗ នៅរមណីយដ្ឋានសមុទ្រឈើ រមណីយដ្ឋានសមុទ្រឈើ - Sea Forest Resort គឺជារមណីយដ្ឋានដែលមានទេសភាពស្រស់ត្រកាល ដោយអាចមើលព្រៃឈើដ៏ក្រាស់ឃ្មឹក ដាច់កន្ទុយភ្នែកជាប់ជើងមេឃប្រៀបដូចជាទឹកសមុទ្រ ហើយឃើញភ្នំតូចធំ ប្រៀបដូចជាកោះយ៉ាងដូច្នោះដែរ។ មួយវិញទៀត នៅទីនេះក៏មានកន្លែងស្នាក់នៅជាលក្ខណៈផ្ទះខ្មែរ ផ្ទះខ្មែរភ្លោះ និងតង់ ជាមួយនឹងទេសភាពដ៏ស្រស់ស្អាត ជាពិសេសគឺតែថ្មីៗពីចម្ការ ព្រមទាំងសេវាកម្មម្ហូបអាហារ ដែលបងប្អូនអាចទទួលទាន ព្រមទាំងទស្សនាទិដ្ឋភាពថ្ងៃរះ ឬថ្ងៃលិចដ៏សែនមនោរម្យ។ រមណីយដ្ឋាននេះមានទីតាំងស្ថិតនៅភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី ចម្ងាយប្រមាណ១០គីឡូម៉ែត្រពីរង្វង់មូលគោព្រៃ ធ្វើដំណើរប្រហែល២០នាទី៕ ប្រភពពី៖ សមុទ្រឈើ មណ្ឌលគិរី