ថ្នាក់ដឹកនាំក្រសួងទទួលជួបពិភាក្សាការងារជាមួយអង្គការ Archi Solidaire និង CodeauKhmer ទីស្តីការក្រសួង៖ នាព្រឹកថ្ងៃព្រហស្បតិ៍ ទី១០ ខែមេសា ឆ្នាំ២០២៥ ឯកឧត្តម ហេង ណន រដ្ឋលេខាធិការ ក្រសួងសាធារណការ និងដឹកជញ្ជូន បានទទួលជួបពិភាក្សាការងារជាមួយអង្គការ Archi Solidaire និង CodeauKhmer ដោយមានការអញ្ជើញចូលរួមពីលោកជំទាវអនុរដ្ឋលេខាធិការ និងតំណាងអង្គភាពពាក់ព័ន្ធក្រោមឱវាទក្រសួង។ ជំនួបពិភាក្សានេះ រៀបចំឡើងក្នុងគោលបំណងដើម្បីចែករំលែកអំពីសកម្មភាពដែលអង្គការអនុវត្តជារៀងរាល់ឆ្នាំ ក្នុងការចូលរួមចំណែកសកម្មភាពអភិវឌ្ឍហេដ្ឋារចនាសម្ព័ន្ធ ក្រោមគម្រោង "United for Tasu" (២០២៥-២០២៦) និងគម្រោង "កម្មវិធីអភិវឌ្ឍន៍ការអប់រំសាមគ្គីខេត្តព្រះវិហារ" (២០២៦-២០៣០)៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube