កិច្ចប្រជុំពិភាក្សាផ្តល់ធាតុចូលសម្រាប់រៀបចំផែនការជាតិ រួមចំណែកឆ្លើយតបនឹងការប្រែប្រួលអាកាសធាតុនៅកម្ពុជា ដំណាក់កាលទី៣ (NDC 3.0) និងធាតុចូលសម្រាប់រៀបចំរបាយការណ៍វឌ្ឍនភាពនៃការអនុវត្តផែនការជាតិ រួមចំណែកឆ្លើយតបនឹងការប្រែប្រួលអាកាសធាតុនៅកម្ពុជា ដំណាក់កាលទី២ (NDC 2.0) សម្រាប់ឆ្នាំ២០២៤ ទីស្ដីការក្រសួង ៖ នាថ្ងៃព្រហស្បតិ៍ ទី២០ ខែមីនា ឆ្នាំ២០២៥ ឯកឧត្តម ខាន់ ម៉ាណេរ រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាផ្តល់ធាតុចូលសម្រាប់រៀបចំផែនការជាតិ រួមចំណែកឆ្លើយតបនឹងការប្រែប្រួលអាកាសធាតុនៅកម្ពុជា ដំណាក់កាលទី៣ (NDC 3.0) និងធាតុចូលសម្រាប់រៀបចំរបាយការណ៍វឌ្ឍនភាពនៃការអនុវត្តផែនការជាតិ រួមចំណែកឆ្លើយតបនឹងការប្រែប្រួលអាកាសធាតុនៅកម្ពុជា ដំណាក់កាលទី២ (NDC 2.0) សម្រាប់ឆ្នាំ២០២៤ ដោយមានការចូលរួមពីអគ្គនាយកដ្ឋានពាក់ព័ន្ធក្រោមឱវាទក្រសួង តំណាងក្រសួងបរិស្ថាន តំណាង UNDP និងមន្ត្រីជំនាញពាក់ព័ន្ធផងដែរ។ កិច្ចប្រជុំបានពិភាក្សាទៅលើការផ្តល់ធាតុចូលពីបណ្តាអគ្គនាយកដ្ឋាន នាយកដ្ឋាននានារបស់ក្រសួងដើម្បីដាក់ចូលទៅក្នុងតារាង NDC 2.0 និង NDC 3.0 សម្រាប់រៀបចំរបាយការណ៍វឌ្ឍនភាពនៃការអនុវត្តផែនការជាតិ ក៏ដូចជារៀបចំផែនការជាតិនាពេលអនាគត ក្នុងការរួមចំណែកឆ្លើយតបនឹងការប្រែប្រួលអាកាសធាតុនៅកម្ពុជា តាមរយៈតួនាទី សកម្មភាពក្នុងវិស័យសាធារណការ និងដឹកជញ្ជូន៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube