សមុទ្រឈើ ជាកន្លែងដែលមានទេសភាពស្រស់ត្រកាល អាចមើលព្រៃឈើដ៏ក្រាស់ឃ្មឹក ដាច់កន្ទុយភ្នែកជាប់ជើងមេឃ ប្រៀបដូចជាសមុទ្រ សមុទ្រឈើ ស្ថិតនៅភូមិឡៅកា ឃុំសុខដុម ក្រុងសែនមនោរម្យ ខេត្តមណ្ឌលគិរី។ ពីលើខ្នងភ្នំនេះ បងប្អូនអាចមើលឃើញទិដ្ឋភាពដ៏ស្រស់ស្អាតនៃព្រៃឈើដុះលើភ្នំ ជ្រលងភ្នំ និងកូនភ្នំនានា មើលពីចម្ងាយហាក់ដូចជារលកទឹកសមុទ្រពណ៌បៃតង ហើយឃើញភ្នំតូចធំ ប្រៀបដូចជាកោះយ៉ាងដូច្នោះដែរ។ ហេតុនេះហើយបានជាគេហៅទីនេះថាសមុទ្រឈើ វាមិនមែនគ្របដណ្តប់ដោយទឹកទេ ប៉ុន្តែពោរពេញដោយដើមឈើ។ ជាមួយនឹងអាកាសធាតុដ៏សែនត្រជាក់ ខ្យល់អាកាសបរិសុទ្ធ សមុទ្រឈើជាទីកន្លែងដែលបងប្អូនមិនគួររំលងពេលបានមកលេងខេត្តមណ្ឌលគិរី៕ ប្រភពរូបភាពពី៖ មន្ទីរទេសចរណ៍ខេត្តមណ្ឌលគិរី