និស្សិតជំនាញបើកបរនាវាជំនាន់ទី២ និងជំនាន់ទី៣ នៃវិទ្យាស្ថានតេជោសែន សាធារណការ និងដឹកជញ្ជូន ចូលរួមវគ្គបណ្តុះបណ្តាល ស្តីពី Standards of Training Certification and Watchkeeping (STCW) នាព្រឹកថ្ងៃចន្ទ ទី១០ ខែមីនា ឆ្នាំ២០២៥ ដោយទទួលបានការគាំទ្រដ៏ខ្ពង់ខ្ពស់ពី ឯកឧត្ដម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និស្សិតវិទ្យាស្ថានតេជោសែន សាធារណការ និងដឹកជញ្ជូន ជំនាញបើកបរនាវា ជំនាន់ទី២ និងជំនាន់ទី៣ សរុប ចំនួន២៩នាក់ បានចូលរួមវគ្គបណ្តុះបណ្តាល Standards of Training Certification, and Watchkeeping (STCW) នៅក្រុមហ៊ុន Maritime Education and Human Resource Co.,Ltd។ វគ្គបណ្ដុះបណ្ដាលនេះប្រព្រឹត្តទៅមានរយៈពេល ២ សប្ដាហ៍ ចាប់ពីថ្ងៃទី១០ ដល់ ថ្ងៃទី២៣ ខែមីនា ឆ្នាំ២០២៥ ។ សូមបញ្ជាក់ផងដែរថា វគ្គបណ្ដុះបណ្ដាល STCW នេះទទួលបានការឧបត្ថម្ភពីកំពង់ផែស្វយ័តភ្នំពេញ និងកំពង់ផែស្វយ័តក្រុងព្រះសីហនុ ជាផ្នែកមួយនៃការអប់រំ នៅក្នុងជំនាញបើកបរនាវា ដែលនឹងអនុញ្ញាតឱ្យ និស្សិត អាចមានគុណវុឌ្ឍិធ្វើប្រតិបត្ដិការទាំងនៅលើនាវាជាតិ និងនាវាអន្ដរជាតិ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube