កិច្ចប្រជុំពិភាក្សាអន្ដរក្រសួង ដើម្បីត្រៀមចូលរួមកិច្ចប្រជុំលើកទី៥ ទៅលើសេចក្តីព្រាងកិច្ចព្រមព្រៀងស្តីពី ការគ្រប់គ្រង ថែទាំ និងប្រើប្រាស់ស្ពានមិត្តភាពកម្ពុជា-ថៃ (ស្ទឹងបត់-បានណងអៀន) នៅខេត្តឈុនបុរី ប្រទេសថៃ ទីស្តីការក្រសួង៖ នៅថ្ងៃអង្គារ ទី១៨ ខែកុម្ភៈ ឆ្នាំ២០២៥ ឯកឧត្ដម ហេង រត្នពិសិដ្ឋ អគ្គនាយកសាធារណការ និងជាប្រធានក្រុមការងារសម្របសម្រួល និងចរចារកិច្ចព្រមព្រៀងស្ដីពីការគ្រប់គ្រង និងថែទាំស្ពានមិត្តភាពកម្ពុជា-ថៃ (ស្ទឹងបត់-បានណងអៀន) បានដឹកនាំកិច្ចប្រជុំអន្ដរក្រសួងដែលមានការចូលរួមពីតំណាងក្រសួងមហាផ្ទៃ ក្រសួងការបរទេស និងសហប្រតិបត្តិការអន្ដរជាតិ ទីស្ដីការគណៈរដ្ឋមន្ដ្រី អគ្គនាយកដ្ឋានអន្ដោប្រវេសន៍ និងតំណាងរដ្ឋបាលខេត្តបន្ទាយមានជ័យ។ កិច្ចប្រជុំនេះប្រព្រឹត្តទៅក្នុងគោលបំណង ពិភាក្សាបន្ថែមលើសេចក្ដីព្រាងកិច្ចព្រមព្រៀងស្ដីពីការគ្រប់គ្រង និងថែទាំស្ពានមិត្តភាពកម្ពុជា-ថៃ (ស្ទឹងបត់-បានណងអៀន) ដើម្បីជាគោលជំហររួមសម្រាប់ការចរចាជាមួយភាគីថៃ ក្នុងកិច្ចប្រជុំលើកទី៥ នៅថ្ងៃទី២០ ដល់ថ្ងៃទី២១ ខែកុម្ភៈ ឆ្នាំ២០២៤ នៅខេត្តឈុនបុរី ប្រទេសថៃ៕