កិច្ចប្រជុំពិភាក្សាករណីសាងសង់ហេដ្ឋារចនាសម្ព័ន្ធបណ្តាញខ្សែកាប្លិ៍ទូរគមនាគមន៍ នៅលើផ្លូវល្បឿនលឿន ភ្នំពេញ-ក្រុងព្រះសីហនុ ទីស្ដីការក្រសួង៖នាថ្ងៃអង្គារ ទី១៨ ខែកុម្ភៈ ឆ្នាំ២០២៥ ឯកឧត្តម សួង ហេង រដ្ឋលេខាធិការ ក្រសួងសាធារណការ និងដឹកជញ្ជូន និងឯកឧត្តម មាស សុខសេនសាន រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ បានអញ្ជើញដឹកនាំជាសហប្រធានដឹកនាំកិច្ចប្រជុំពិភាក្សាករណីសាងសង់ហេដ្ឋារចនាសម្ព័ន្ធបណ្តាញខ្សែកាប្លិ៍ទូរគមនាគមន៍របស់ក្រុមហ៊ុន Cambodian PPSHV Expressway Co.,Ltd នៅលើផ្លូវល្បឿនលឿន ភ្នំពេញ-ក្រុងព្រះសីហនុ។ កិច្ចប្រជុំនេះ មានការចូលរួមពីឯកឧត្ដមអនុរដ្ឋលេខាធិការ ឯកឧត្ដមអគ្គនាយក លោក លោកស្រី ជាសមាជិកនៃគណៈកម្មាធិការសម្រាប់គ្រប់គ្រងកិច្ចព្រមព្រៀងសម្បទានគម្រោងផ្លូវល្បឿនលឿនភ្នំពេញ-ក្រុងព្រះសីហនុ មន្រ្តីជំនាញពាក់ព័ន្ធ តំណាងនិយ័តករទូរគមនាគមន៍ នៃក្រសួងប្រៃសណីយ៍ និងទូរគមនាគមន៍ និងតំណាងក្រុមហ៊ុនផ្លូវល្បឿនលឿន។ គោលបំណងកិច្ចប្រជុំ គឺដើម្បីពិនិត្យដោះស្រាយបញ្ហាប្រឈមនានា ដែលកើតមានឡើងករណីសាងសង់ហេដ្ឋារចនាសម្ព័ន្ធបណ្តាញខ្សែកាប្លិ៍ទូរគមនាគមន៍របស់ក្រុមហ៊ុន Cambodian PPSHV Expressway Co.,Ltd នៅលើផ្លូវល្បឿនលឿន ភ្នំពេញ-ក្រុងព្រះសីហនុ សំដៅធ្វើយ៉ាងណាឱ្យការគ្រប់គ្រងប្រតិបត្តិការផ្លូវល្បឿនលឿន មានដំណើរការរបស់គម្រោងឱ្យប្រព្រឹត្តទៅដោយរលូន៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube