កិច្ចប្រជុំបន្តដើម្បីពិនិត្យ និងផ្តល់ព័ត៌មានពាក់ព័ន្ធនឹងការផ្ទេរការប្រើប្រាស់ពីអាកាសយានដ្ឋានអន្តរជាតិភ្នំពេញ ទៅអាកាសយានដ្ឋានអន្តរជាតិតេជោ មជ្ឈមណ្ឌលឡូជីស្ទីកនៅអាកាសយានដ្ឋានអន្តរជាតិតេជោ និងហេដ្ឋារចនាសម្ព័ន្ធផ្នែកទន់ ទីស្តីការក្រសួង ៖ នាថ្ងៃព្រហស្បតិ៍ ទី១៣ ខែកុម្ភ: ឆ្នាំ២០២៥ ឯកឧត្តម ឈៀង ពេជ្រ អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងកិច្ចប្រជុំបន្តដើម្បីពិនិត្យ និងពិភាក្សាដោះស្រាយបញ្ហាប្រឈមរបស់សភាពាណិជ្ជកម្មអឺរ៉ុបនៅកម្ពុជា ពាក់ព័ន្ធនឹងអន្តរកាលនៃការផ្ទេរការប្រើប្រាស់ពីអាកាសយានដ្ឋានអន្តរជាតិភ្នំពេញទៅអាកាសយានដ្ឋានអន្តរជាតិតេជោ ផ្តោតសំខាន់ទៅលើមជ្ឈមណ្ឌលឡូជីស្ទីក និងហេដ្ឋារចនាសម្ព័ន្ធផ្នែកទន់ នៅអាកាសយានដ្ឋានអន្តរជាតិតេជោ។ កិច្ចប្រជុំនេះ មានការអញ្ជើញចូលរួមពី តំណាងគណៈអភិបាលរាជធានីភ្នំពេញ តំណាងសភាពាណិជ្ជកម្មអឺរ៉ុបនៅកម្ពុជា តំណាងអគ្គនាយកដ្ឋានគយ និងរដ្ឋករកម្ពុជា តំណាងក្រុមហ៊ុនអភិវឌ្ឍន៍អាកាសយានដ្ឋានអន្តរជាតិភ្នំពេញ តំណាងក្រុមហ៊ុនអាកាសយានដ្ឋានអន្តរជាតិតេជោ និងមន្ត្រីជំនាញពាក់ព័ន្ធជាច្រើនរូបផងដែរ។ សូមជម្រាបជូនផងដែរថា នេះជាកិច្ចប្រជុំពិភាក្សាបន្តជាលើកទី២ ដើម្បីពិនិត្យ និងដោះស្រាយបញ្ហាប្រឈមរបស់សភាពាណិជ្ជកម្មអឺរ៉ុបនៅកម្ពុជា ពាក់ព័ន្ធនឹងការផ្ទេរប្រតិបត្តិការទៅអាកាសយានដ្ឋានអន្តរជាតិតេជោ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube