កិច្ចប្រជុំលើកទី៨៧ របស់គណៈកម្មការដឹកជញ្ជូនផ្លូវគោក នៃអង្គការសហប្រជាជាតិ The 87th Session of Inland Transport Committee 2025 (ITC) ទីក្រុងហ្សឺណែវ ៖ ចាប់ថ្ងៃទី១១ ដល់ថ្ងៃទី១៤ ខែកុម្ភៈ ឆ្នាំ២០២៥ ឯកឧត្តម នឹម សុធា អនុរដ្ឋលេខាធិការ ក្រសួងសាធារណការ និងដឹកជញ្ជូន តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំគណៈប្រតិភូកម្ពុជាចូលរួមកិច្ចប្រជុំលើកទី៨៧ របស់គណៈកម្មការ ដឹកជញ្ជូនផ្លូវគោក នៃអង្គការសហប្រជាជាតិ នៅទីក្រុងហ្សឺណែវ ប្រទេសស្វីស។ កិច្ចប្រជុំនេះត្រូវបានរៀបចំឡើងប្រចាំឆ្នាំដោយអង្គការសហប្រជាជាតិ ក្នុងគោលបំណងដើម្បីពិនិត្យ និងពិភាក្សាលើរបាយការណ៍ និងបញ្ហាប្រឈមសកលក្នុងវិស័យសាធារណការ និងដឹកជញ្ជូនផ្លូវគោក និងដាក់ផែនការបន្តទៅអនាគត។ ឯកឧត្តមអនុររដ្ឋលេខាធិការ បានធ្វើបទអន្តរាគមន៍លើវឌ្ឍនភាព បញ្ហាប្រឈម និងផែនការរបស់កម្ពុជា ពាក់ព័ន្ធទៅនឹងវិធានការយុទ្ធសាស្ត្រសម្រាប់អភិវឌ្ឍន៍វិស័យដឹកជញ្ជូនប្រកបដោយនិរន្តភាព និងភារ:បរិស្ថានសកល នៅក្នុងកម្មវិធីតុមូលដែលពិភាក្សាអំពីការចូលរួមពីវិស័យដឹកជញ្ជូនផ្លូវគោកក្នុងការងារកាត់បន្ថយបម្រែបម្រួលអាកាសធាតុ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube