ក្រុមការងារចុះពិនិត្យស្ថានភាពផ្លូវក្នុងតំបន់ភូមិភាគឦសាន្ត ដើម្បីសិក្សាផែនការអាទិភាពតភ្ជាប់ហដ្ឋារចនាសម្ព័ន្ធផ្លូវថ្នល់ ទទួលបានអនុសាសន៍ណែនាំដ៏ខ្ពង់ខ្ពស់ពី ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ក្រុមការងារដឹកនាំដោយ ឯកឧត្តម ឡេង ធនយុទ្ធា រដ្ឋលេខាធិការ អមដំណើរដោយ ឯកឧត្តមអនុរដ្ឋលេខាធិការ លោកប្រធាន អនុប្រធានមន្ទីរសាធារណការ និងដឹកជញ្ជូនខេត្តភូមិភាគឦសាន និងមន្ត្រីជំនាញពាក់ព័ន្ធបានអញ្ជើញចុះត្រួតពិនិត្យស្ថានភាពទីតាំងផ្ទាល់ផ្លូវតភ្ជាប់រវាងខេត្ត និងខេត្តក្នុងបណ្ដាខេត្តទាំងបួន នៃតំបន់ភាគឦសានប្រទេសកម្ពុជា រួមមានៈ ខេត្តក្រចេះ ស្ទឹងត្រែង រតនគិរី និងមណ្ឌលគិរី និងការតភ្ជាប់ជាមួយប្រទេសជិតខាងកម្ពុជា។ សូមបញ្ជាក់ជូនថា រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំប្រកបដោយគតិបណ្ឌិត និងចក្ខុវិស័យយ៉ាងច្បាស់លាស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បាន និងកំពុងជំរុញ និង លើកទឹកចិត្តឱ្យមានការសិក្សា និងពិនិត្យនូវលទ្ធភាពលើការអភិវឌ្ឍនូវហេដ្ឋារចនាសម្ព័ន្ធតភ្ជាប់ក្នុងខេត្តទាំង៤ នៃតំបន់ភូមិភាគឦសានរបស់ប្រទេសឱ្យមានភាពប្រទាក់ក្រឡា ក្នុងគោលបំណងដើម្បីអភិវឌ្ឍខេត្តទាំងបួននេះប្រែក្លាយទៅជាប៉ូលសេដ្ឋកិច្ចផ្នែកភាគឦសាន ជាមួយនឹងការតភ្ជាប់រួមគ្នារវាងកម្ពុជា បណ្ដាខេត្តជាប់ព្រំដែនរវាងកម្ពុជា-វៀតណាម និង កម្ពុជា-ឡាវ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube