MoINFO APP ឆ្លើយតបទៅមតិយោបល់ គណនីហ្វេសប៊ុក “ជេដ្ឋា សុខដុម” បានលើកឡើងក្នុងទំព័រហ្វេសប៊ុកសម្តេចធិបតីនាយករដ្ឋមន្ត្រី ដែលមានខ្លឹមសារ “សម្តេចជាទីគោរព ផ្លូវជាតិលេខ៦A សៀមរាប កំពង់ធំ រលុបគំនូសផ្លូវ ស្ទើរទាំងស្រុង ងាយបង្កហានិភ័យក្នុងការបើកបរ” ក្រសួងសាធារណការ និងដឹកជញ្ជូន មានកិត្តិយសសូមជម្រាបជូនសាធារណជន មេត្តាជ្រាបថា៖ ក្រសួង បានយកចិត្តទុកដាក់ប្រឹងប្រែងធ្វើឱ្យប្រសើរឡើងវិញ នៅការគូសគំនូសត្រង់ចំនុចដែលរលុបមើលមិនឃើញនៅចំនុចអាទិភាពសំខាន់ៗ ពីចំនុចផ្លូវជាតិលេខ 6A រហូតដល់ កំពង់ធំ សៀមរាប និងខេត្តកំពង់ចាម ដោយកំពុងធ្វើតាមដំណាក់កាល ក្នុងកម្មវិធីថែទាំផ្លូវជាប្រចាំ។