ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន អញ្ជើញជាកិត្តិយសក្នុងព្រឹត្តិការណ៍បាល់ទាត់មិត្តភាព ដើម្បីអបអរសាទរ “ទិវាសន្តិភាពនៅកម្ពុជា” រាជធានីភ្នំពេញ៖ នារសៀលថ្ងៃអាទិត្យ ទី២៩ ខែធ្នូ ឆ្នាំ២០២៤ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានអញ្ជើញជាកិត្តិយសក្នុងព្រឹត្តិការណ៍បាល់ទាត់មិត្តភាព ដើម្បីអបអរសាទរ “ទិវាសន្តិភាពនៅកម្ពុជា” ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ឯកឧត្តម ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុនី្ន ហ៊ុនម៉ាណែត ដោយមានការអញ្ជើញចូលរួមពី ឯកឧត្តម លោកជំទាវ ឧបនាយករដ្ឋមន្រ្តី ទេសរដ្ឋមន្រ្តី រដ្ឋមន្រ្តី ភ្ញៀវកិត្តិយសជាតិ កីឡាករ កីឡាការិនី និងសាធារណៈជនចូលរួមប្រមាណ៦ម៉ឺននាក់ នៅពហុកីឡដ្ឋានជាតិមរតកតេជោ។ គួរបញ្ជាក់ផងដែរថា ព្រឹត្តិការណ៍បាល់ទាត់មិត្តភាពអបអរសាទរទិវាសន្តិភាពកម្ពុជាក្រោមមូលបទ «កីឡារស់ក្នុងសន្តិភាព» នេះ បានឆ្លុះបញ្ចាំងឱ្យឃើញនូវភាពសំបូរសប្បាយរបស់ប្រជាពលរដ្ឋក្រោមម្លប់នៃសន្តិភាព។ មិនតែប៉ុណ្ណោះ ការប្រកួតកីឡានេះបានសរបញ្ជាក់ឱ្យឃើញថា ប្រជាពលរដ្ឋកំពុងរស់នៅប្រកបដោយសុភមង្គល និងសប្បាយរីករាយផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube