សិក្ខាសាលាស្តីពី “ការអនុវត្តគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិក នៅប្រទេសកម្ពុជា” ភ្នំពេញ៖ នាព្រឹកថ្ងៃចន្ទ ទី១៦ ខែធ្នូ ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំក្រុមការងារអនុវត្តគម្រោង ចូលរួមសិក្ខាសាលាស្តីពី “ការអនុវត្តគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិក នៅប្រទេសកម្ពុជា”ក្រោមអធិបតីភាព ឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការ អចិន្ត្រៃយ៍ នៃគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិក និងមន្ត្រីជំនាញនៃអង្គភាពគ្រប់គ្រងគម្រោងក្រសួងមហាផ្ទៃ តំណាងក្រសួងបរិស្ថាន តំណាងក្រសួងសេដ្ឋកិច្ច និងហិរញ្ញវត្ថុ និងក្រុមការងាររបស់ធនាគារពិភពលោក ដឹកនាំដោយ លោកស្រី Katelijn van den Berg អ្នកឯកទេសជាន់ខ្ពស់ ផ្នែកបរិស្ថាន ព្រមទាំងលោក-លោកស្រី ជាតំណាងមន្ទីរបរិស្ថាន មន្ទីរសាធារណការ និងដឹកជញ្ជូន និងក្រុមការងារគាំទ្រការអនុវត្តគម្រោងសរុបប្រមាណ ១៥០រូប។ សិក្ខាសាលានេះរៀបចំឡើងដើម្បីពិនិត្យវឌ្ឍនភាពការងារ និងបញ្ហាប្រឈមលើការអនុវត្តការងារកន្លងមក របស់ សមាសភាគទី១ នៃក្រសួងបរិស្ថាន, សមាសភាគទី២ នៃក្រសួងមហាផ្ទៃ និងសមាសភាគទី៣ នៃក្រសួងសាធារណការ និងដឹកជញ្ជូន ក្នុងការដោះស្រាយផលប៉ះពាល់ដោយសារគម្រោងអភិវឌ្ឍន៍ និងផែនការអនុវត្តបន្ទាប់ របស់ក្រសួងសេដ្ឋកិច្ច និងហិរញ្ញវត្ថុ ដើម្បីចែករំលែកបទពិសោធន៍ល្អៗអំពីវិធានការកាត់បន្ថយផលប៉ះពាល់បរិស្ថាន និងសង្គម អំឡុងពេលទីលានថ្មីពុំទាន់សាងសង់រួច ដោយលោកស្រី Katelijn van den Berg អ្នកឯកទេសជាន់ខ្ពស់ ផ្នែកបរិស្ថាន និងតំណាងធនាគារពិភពលោកផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube