កិច្ចប្រជុំកម្រិតបច្ចេកទេសលើការសិក្សាគម្រោង និងពង្រឹងគុណភាពការងារសាងសង់ហេដ្ឋារចនាសម្ព័ន្ធផ្លូវថ្នល់ ទីស្ដីការក្រសួង៖ នាថ្ងៃសុក្រ ទី២៩ ខែវិច្ឆិកា ឆ្នាំ២០២៤ ឯកឧត្ដម ហ៊ាង វុត្ថា អគ្គនាយក នៃអគ្គនាយកដ្ឋានបច្ចេកទេស បានអញ្ជើញដឹកនាំកិច្ចប្រជុំកម្រិតបច្ចេកទេសលើការសិក្សាគម្រោង និងពង្រឹងគុណភាពការងារសាងសង់ហេដ្ឋារចនាសម្ព័ន្ធផ្លូវថ្នល់ ដោយមានការចូលរួមពី លោកអគ្គនាយករង លោកប្រធាននាយកដ្ឋាន ប្រធានការិយាល័យ មន្ត្រីត្រួតពិនិត្យក្រោមឱវាទអគ្គនាយកដ្ឋាន និងមន្ត្រីជំនាញពាក់ព័ន្ធជាច្រើនរូបផ្សេងទៀត។ កិច្ចប្រជុំពិភាក្សានេះ រៀបចំឡើងក្នុងគោលបំណងណែនាំបន្ថែមឱ្យនាយកដ្ឋានទទួលបន្ទុកត្រួតពិនិត្យគម្រោង សហការជាមួយអង្គភាពអនុវត្តគម្រោង ដោយពន្លឿនការងារសិក្សាលម្អិត និងរៀបចំចងក្រង បញ្ជីប៉ាន់តម្លៃគម្រោងសម្រាប់ផែនការឆ្នាំ២០២៥ ការពង្រឹងយន្តការត្រួតពិនិត្យបច្ចេកទេសគម្រោង និងការពិនិត្យលើបញ្ហាប្រឈមដែលជួបប្រទះកន្លងមក ដើម្បីស្វែងរកដំណោះស្រាយ និងបញ្ចៀសនូវផលប៉ះពាល់លើការពង្រឹងគុណភាព ការងារសាងសង់ហេដ្ឋារចនាសម្ព័ន្ធផ្លូវថ្នល់ឱ្យមានគុណភាពស្របតាមបទដ្ឋានបច្ចេកទេស និងការអនុវត្តគម្រោងបានទាន់ពេលវេលាដែលគ្រោងទុក ប្រកបដោយប្រសិទ្ធភាព និងប្រសិទ្ធផលខ្ពស់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube