ឯកឧត្តមទេសរដ្ឋមន្ត្រី ស៊ុន ចាន់ថុល ដែលទើបទទួលការតែងតាំងជាថ្មីពីរដ្ឋាភិបាល បានផ្តាំផ្ញើរឲ្យថ្នាក់ដឹកនាំក្រសួងខិតខំប្រឹងប្រែងបម្រើប្រជាពលរដ្ឋឲ្យកាន់តែល្អជាងមុន ---- ថ្ងៃសុក្រ ១២រោច ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៧ ខែកញ្ញា ឆ្នាំ២០១៨ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រី ក្រសួងសាធារណការ និងដឹកជញ្ជូន បានជួបសំណេះសំណាលជាមួយថ្នាក់នាំក្រសួងសាធារណការ និងដឹកជញ្ជូនដែលទើបទទួលការតែងតាំងថ្មីក្នុងអាណត្តិទី៦នៃរដ្ឋសភា។ ឯកឧត្តមទេសរដ្ឋមន្ត្រី បានសម្តែងនូវការអបអរសារទរចំពោះថ្នាក់ដឹកនាំ រដ្ឋលេខាធិការ និងអនុរដ្ឋលេខាធិការដែលទើបទទួលការតែងតាំងថ្មី និងបានផ្តាំផ្ញើរឲ្យថ្នាក់ដឹកនាំទាំងអស់ខិតខំប្រឹងប្រែងបម្រើប្រជាពលរដ្ឋឲ្យកាន់តែល្អជាងមុន។ បន្ថែមពីលើនេះ ឯកឧត្តមទេសរដ្ឋមន្ត្រីក៏បានលើកឡើងផងដែរអំពីផែនការ១០០ថ្ងៃដែលក្រសួងត្រូវបំពេញឲ្យបានតាមការណែនាំរបស់ប្រមុខរាជរដ្ឋាភិបាលផងដែរ។