កិច្ចប្រជុំដំបូងសម្រាប់គម្រោង Green Siem Reap Sewerage and Storm Drainage Project ទីស្តីការក្រសួង៖ នាថ្ងៃព្រហស្បតិ៍ ទី២៤ ខែតុលា ឆ្នាំ២០២៤ ឯកឧត្តម សូរ វ៉ិចទ័រ រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង បានដឹកនាំកិច្ចប្រជុំដំបូង (kick-off meeting) រវាងអង្គភាពគ្រប់គ្រងគម្រោង ជាមួយក្រុមហ៊ុនទីប្រឹក្សាបច្ចេកទេស Saman-Yooshin-KCIEng JV សម្រាប់គម្រោង Green Siem Reap Sewerage and Storm Drainage Project (EDCF KHM-29)។ គោលបំណងសំខាន់នៃកិច្ចប្រជុំ គឺដើម្បីពិនិត្យ និងពិភាក្សាទៅលើការចាប់ផ្តើមអនុវត្តគម្រោង ដែលផ្តោតលើការងារមួយចំនួនដូចជា៖ ការរៀបចំឯកសារ ការរចនាប្លង់លម្អិត ការចូលរួមសហការពីភាគីពាក់ព័ន្ធដើម្បីអនុវត្តគម្រោងបានឆាប់រហ័ស។ គម្រោងនេះនឹងពង្រីកសមត្ថភាពបន្ថែមក្នុងការលើកកម្ពស់ការគ្រប់គ្រងអនាម័យ និងទឹកកខ្វក់ នៅក្រុងសៀមរាប ដើម្បីកែលម្អ ការពារទឹកជំនន់ ការកកស្ទះលូ និងការប៉ះពាល់បរិស្ថាន ដោយនឹងអភិវឌ្ឍទៅលើប្រព័ន្ធលូ អាងប្រព្រឹត្តកម្មចម្រោះប្រព័ន្ធទឹកកខ្វក់ និងវិធានអនាម័យផ្សេងៗ សំដៅធ្វើយ៉ាងណាអាចគ្រប់គ្រងលើប្រតិបត្តិការ សម្រេចគោលនយោបាយ និងយុទ្ធសាស្ត្រនានាទាក់ទងនឹងការគ្រប់គ្រង អភិវឌ្ឍប្រព័ន្ធចម្រោះទឹកកខ្វក់ឱ្យទទួលបាននូវសោភ័ណភាពទីក្រុងបៃតង និងភាពទាក់ទាញផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube