កិច្ចប្រជុំពិភាក្សាអំពីកិច្ចសហប្រតិបត្តិការរវាងក្រសួង សាធារណការ និងដឹកជញ្ជូន និងក្រុមហ៊ុន CMA CGM Group ទីស្ដីការក្រសួង៖ នាថ្ងៃសុក្រ ទី២៥ ខែកញ្ញា ឆ្នាំ២០២៤ ឯកឧត្តម ហេង ណន រដ្ឋលេខាធិការក្រសួងសាធារណការ និងដឹកជញ្ជូន បានទទួលជួបពិភាក្សាជាមួយគណៈប្រតិភូក្រុមហ៊ុន CMA CGM Group អំពីកិច្ចសហប្រតិបត្តិការរវាងក្រសួង សាធារណការ និងដឹកជញ្ជូន និងក្រុមហ៊ុន ដោយមានការអញ្ជើញចូលពីថ្នាក់ដឹកនាំក្រសួង មន្ត្រីជំនាញពាក់ព័ន្ធផងដែរ។ កិច្ចប្រជុំពិភាក្សានេះធ្វើឡើង ដើម្បីស្វែងយល់បន្ថែមទៅលើសក្តានុពលនៃវិស័យដឹកជញ្ជូនតាមផ្លូវទឹកនៅកម្ពុជា ក៏ដូចជាបន្តពង្រឹងកិច្ចសហប្រតិបត្តិការអភិវឌ្ឍហេដ្ឋារចនាសម្ព័ន្ធដឹកជញ្ជូន ដែលក្រុមហ៊ុន CMA CGM Group បាន និងកំពុងអនុវត្តទាំងនៅកម្ពុជា និងនៅបណ្តាប្រទេសផ្សេងៗទៀត ដើម្បីតភ្ជាប់ការដឹកជញ្ជូនឱ្យកាន់តែមានភាពប្រទាក់ក្រឡា និងជួយជំរុញកំណើនសេដ្ឋកិច្ច៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube