មន្ទីរសាធារណការ និងដឹកជញ្ជូនខេត្តត្បូងឃ្មុំ ចុះជួសជុលថែទាំកំណាត់ផ្លូវជាតិលេខ៧ និងកំណាត់ផ្លូវជាតិលេខ១១ នាថ្ងៃទី៥ ខែតុលា ឆ្នាំ២០២៤ មន្ទីរសាធារណការ និងដឹកជញ្ជូន ខេត្តត្បូងឃ្មុំ បានចុះជួសជុលថែទាំកំណាត់ផ្លូវជាតិលេខ៧ និងកំណាត់ផ្លូវជាតិលេខ១១ ធ្វើយ៉ាងណាជួយសម្រួលដល់ការធ្វើដំណើររបស់បងប្អូនប្រជាពលរដ្ឋ ឱ្យកាន់តែមានភាពងាយស្រួល និងការដឹកជញ្ជូនទំនិញឆ្លងកាត់ចំណេញពេលវេលា និងថវិកា ព្រមទាំងបង្កើននូវសោភ័ណភាពតាមដងផ្លូវផងដែរ។ សូមបញ្ជាក់ថា ការចុះថែទាំលើកំណាត់ផ្លូវជាតិលេខ៧ ក្រុមការងារបានធ្វើការជួសជុលសំបុកមាន់ដោយស្រោចកៅស៊ូCRS-2 រោយថ្ម12 ចន្លោះគ.ម 125+000 ដល់គ.ម 130+000 ស្ថិតនៅឃុំទន្លេបិទ ស្រុកត្បូងឃ្មុំ និងចន្លោះគ.ម 160+000 ដល់គ.ម 165+000 ស្ថិតនៅឃុំកណ្តោលជ្រុំ ស្រុកពញាក្រែក កាត់សម្អាតរុក្ខជាតិសងខាងផ្លូវ ចន្លោះគ.ម 155+000 ដល់គ.ម 160+000 ស្ថិតនៅឃុំស្រឡប់ ស្រុកត្បូងឃ្មុំ និងកាត់សម្អាតរុក្ខជាតិសងខាងផ្លូវ ចន្លោះគ.ម 160+000 ដល់គ.ម 165+000 ស្ថិតនៅឃុំកណ្តោលជ្រុំ ស្រុកពញាក្រែក ព្រមទាំងកៀរកិនបង្ហាប់ស្រទាប់គ្រឹះសំខាន់ ចន្លោះគ.ម 186+000 ដល់គ.ម 187+500 ស្ថិតនៅឃុំដារ ស្រុកមេមត់។ កំណាត់ផ្លូវជាតិលេខ១១ ក្រុមការងារក៏បានធ្វើការកៀរកិនបង្ហាប់ស្រទាប់គ្រឹះរង ចន្លោះគ.ម 66+600 ដល់គ.ម 67+975 និងកាត់សម្អាតរុក្ខជាតិសងខាងផ្លូវ ចន្លោះគ.ម 65+000 ដល់គ.ម 70+000 ស្ថិតនៅឃុំគងជ័យ ស្រុកអូររាំងឪ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube