ចុះពិនិត្យ និងសិក្សាទីតាំងសម្រាប់សាងសង់ស្ថានីយថ្លឹងយានយន្តដឹកជញ្ជូនលើសទម្ងន់កម្រិតកំណត់ នៅលើផ្លូវជាតិលេខ៤១ ក្នុងខេត្តកំពង់ស្ពឺ នារសៀលថ្ងៃសុក្រ ទី២៣ ខែសីហា ឆ្នាំ២០២៤ ឯកឧត្តម សេង ឈួន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្រ្តៃយ៍ បានដឹកនាំគណៈប្រតិភូចុះពិនិត្យ និងសិក្សាទីតាំងសម្រាប់សាងសង់ស្ថានីយថ្លឹងយានយន្តដឹកជញ្ជូនលើសទម្ងន់កម្រិតកំណត់ ចំនួន ០១ទីតាំង ដែលមានជញ្ជីងចំនួន ០២ អមសងខាងផ្លូវ(បណ្តោយ ១៦០ម និងទទឹង ២០ម គិតពីអ័ក្សផ្លូវ) សង់នៅលើដីចំណីផ្លូវជាតិលេខ៤១ ចំណុចគីឡូម៉ែត្រលេខ ១៩+៩០០ ភូមិបាក់ក ឃុំព្រៃញាតិ ស្រុកគងពិសី ខេត្តកំពង់ស្ពឺ និងមានការអញ្ជើញចូលរួមពីឯកឧត្តម ស្រ៊ុន ស្រ៊ន់ អភិបាលរងខេត្តកំពង់ស្ពឺ លោកប្រធានមន្ទីរសាធារណការ និងដឹកជញ្ជូនខេត្តកំពង់ស្ពឺ អាជ្ញាធរមូលដ្ឋាន តំណាងក្រុមហ៊ុនសាជីវកម្មស្ពាន និងថ្នល់ចិន(CRBC) និងអង្គភាពពាក់ព័ន្ធ។ ជាលទ្ធផលក្រុមការងារ បានឯកភាពកំណត់យកទីតាំងខាងលើសម្រាប់សាងសង់ស្ថានីយថ្លឹងយានយន្ត ក្នុងពេលឆាប់ៗខាងមុខនេះ ដើម្បីចូលរួមទប់ស្កាត់ការដឹកជញ្ជូនលើសទម្ងន់កម្រិតកំណត់ និងរួមចំណែកការពារសមិទ្ធផលផ្លូវជាតិលេខ៤៨ ក្រោយពេលបានស្តារ និងលើកកម្រិតគុណភាពផ្លូវរួចរាល់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube