ចុះពិនិត្យ និងសិក្សាទីតាំងសម្រាប់សាងសង់ស្ថានីយថ្លឹងយានយន្តដឹកជញ្ជូនលើសទម្ងន់កម្រិតកំណត់ នៅលើផ្លូវជាតិលេខ១០ ក្នុងខេត្តបាត់ដំបង និងខេត្តកោះកុង នាព្រឹកថ្ងៃចន្ទ ទី១៩ ខែសីហា ឆ្នាំ២០២៤ ឯកឧត្តម សេង ឈួន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្រ្តៃយ៍ បានដឹកនាំគណៈប្រតិភូ និងអង្គភាពពាក់ព័ន្ធ ព្រមទាំងអាជ្ញាធរដែនដី ចុះពិនិត្យ និងសិក្សាទីតាំងសម្រាប់សាងសង់ស្ថានីយថ្លឹងយានយន្តដឹកជញ្ជូនលើសទម្ងន់កម្រិតកំណត់ ចំនួន ២ទីតាំង ស្ថិតនៅលើផ្លូវជាតិលេខ១០ ដែលទីតាំងទី១ ស្ថិតនៅគីឡូម៉ែត្រលេខ ៤+000 ស្ថិតក្នុងភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង ចំណែកទីតាំងទី២ ស្ថិតនៅគីឡូម៉ែត្រលេខ ១៩៥+៩៨០ ក្នុងភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។ គោលបំណងនៃការចុះពិនិត្យទីតាំងសាងសង់ស្ថានីយជញ្ជីងអចល័តនេះ គឺដើម្បីសិក្សាលម្អិត និងកំណត់ទំហំ ព្រមទាំងជ្រើសរើសទីតាំងដែលមានលក្ខណៈសមស្រប ក្នុងន័យអាចចូលរួមទប់ស្កាត់ការដឹកជញ្ជូនលើសទម្ងន់កម្រិតកំណត់ និងរួមចំណែកការពារសមិទ្ធផលផ្លូវជាតិលេខ១០ កុំឱ្យខូចខាតមុនអាយុកាលបច្ចេកទេសកំណត់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube