ក្រុមការងារគណបក្សចុះមូលដ្ឋានឃុំលើកដែក ក្នុងស្រុកកោះធំ បាននាំយកទេយ្យទានទៅប្រគេនព្រះសង្ឃចំនួន ៥វត្ត មាន វត្តជ្រោយ វត្តពាមឃ្លាំង វត្តទួលស្លែង វត្តធម្មតេជះ និងវត្តទួលឫស្សីកី ដែលគង់ចាំព្រះវស្សា ស្ថិតក្នុងមូលដ្ឋានឃុំលើកដែក នៃស្រុកកោះធំ ខេត្តកណ្ដាល នៅព្រឹកថ្ងៃសៅរិ៍ ទី១០ ខែសីហា ឆ្នាំ២០២៤ ស្ថិតក្នុងវត្តជ្រោយ ឯកឧត្តម ហ៊ាង វុត្ថា ប្រធានក្រុមការងារគណបក្សចុះមូលដ្ឋានឃុំលើកដែក លោក តាន់ ធីរ៉ា អនុប្រធាន និងសមាជិក សមាជិកា ព្រមទាំង លោក អេង មោក្ខ អនុប្រធានប្រចាំការគណ:កម្មាធិការគណបក្សស្រុកកោះធំ បាននាំយកទេយ្យទានទៅប្រគេនព្រះសង្ឃចំនួន ៥វត្ត រួមមាន វត្តជ្រោយ វត្តពាមឃ្លាំង វត្តទួលស្លែង វត្តធម្មតេជះ និងវត្តទួលឫស្សីកី ដែលស្ថិតក្នុងមូលដ្ឋានឃុំលើកដែក នៃស្រុកកោះធំ ខេត្តកណ្ដាល។ ក្នុងនោះសម្រាប់ទេយ្យទានជូនក្នុងមួយវត្តទទួលបាន អង្គរ ៥០គីឡូ មី២កេស ទឹកសុទ្ធ២កេស ទឹកត្រី២យួរ ទឹកស៊ីអ៊ីវ២យួរ និងបច្ច័យជាថវិកាមួយចំនួនផងដែរ។ ទន្ទឹមនោះដែរបន្ទាប់ពី បានបញ្ចប់ការប្រគេនទេយ្យទានរួចមក ឯកឧត្តមប្រធាន និងក្រុមការងារ បានបន្តចុះពិនិត្យស្ថានភាពផ្លូវមួយខ្សែ ក្នុងភូមិទួលចាន់ ដែលកាលពីមុន មានការលំបាក ក្នុងការធ្វើដំណើរ ហើយ ឯកឧត្តម និងក្រុមការងារ បានផ្តល់ជាថវិកាក្នុងការចាក់ដីបំពេញតួថ្នល់ សម្រួលដល់ការធ្វើដំណើរ របស់ប្រជាពលរដ្ឋ ក្នុងមូលដ្ឋានភូមិ ឃុំផងដែរ៕