នាព្រឹកថ្ងៃសៅរ៍ ១៥កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែកក្កដា ឆ្នាំ២០២៤ ឯកឧត្តម ប៉េង ពោធិ៍នា សមាជិកគណៈអចិន្ត្រៃយ៍ គណៈកម្មាធិការកណ្តាល និងជាប្រធានក្រុមការងារគណបក្ស ចុះមូលដ្ឋានស្រុកស្អាង និងស្រុកកោះធំ បានអញ្ជើញជាអធិបតីក្នុង ពិធីវេរទៀនព្រះវស្សា សំពត់ចំណាំព្រះវស្សា និងបរិក្ខារប្រគេន ព្រះសង្ឃគង់ចាំព្រះវស្សាក្នុងពុទ្ធសីមាវត្តទាំង ៣៦ ក្នុងស្រុកស្អាង និងវត្តទាំង ២០ នៅស្រុកកោះធំ ដោយមានការចូលរួមពីតំណាងព្រះសង្ឃគង់ចាំព្រះវស្សាទាំង ៥៦វត្ត ឯកឧត្តម លោកជំទាវជា អនុប្រធាន និងសមាជិកក្រុមការងារគណបក្សចុះមូលដ្ឋានស្រុក ប្រធាន អនុប្រធាន និងសមាជិកក្រុមការងារគណបក្ស ចុះមូលដ្ឋានឃុំ គណៈកម្មាធិការគណបក្សស្រុក ប្រធាន-អនុប្រធានសាខាបក្សការិយាល័យ អង្គភាពជុំវិញស្រុក សមាជិក សមាជិកាក្រុមប្រឹក្សាស្រុក និងលោកអាចារ្យ គណៈកម្មការវត្តទាំងអស់។