ពិធីចុះហត្ថលេខាលើកិច្ចសន្យាសេវាទីប្រឹក្សាបច្ចេកទេស សម្រាប់គម្រោង Green Siem Reap Urban Bypass Road Project រវាងក្រសួងសាធារណការ និងដឹកជញ្ជូន និងក្រុមហ៊ុនទីប្រឹក្សាបច្ចេកទេស KCleng Co., Ltd ទីស្ដីការក្រសួង៖ នារសៀលថ្ងៃព្រហស្បតិ៍ ទី២៧ ខែមិថុនា ឆ្នាំ២០២៤ ឯកឧត្ដម សូរ វ៉ិចទ័រ រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញចុះហត្ថលេខាលើកិច្ចសន្យាសេវាទីប្រឹក្សាបច្ចេកទេស សម្រាប់គម្រោង Green Siem Reap Urban Bypass Road Project ប្រាក់កម្ចីលេខ KHM-28 និង កិច្ចសន្យាលេខ DDCS_GSUBRP រវាងក្រសួងសាធារណការ និងដឹកជញ្ជូន និងក្រុមហ៊ុនទីប្រឹក្សាបច្ចេកទេសកូរ៉េ KCleng Co., Ltd. ដោយមានការអញ្ជើញចូលរួមពីថ្នាក់ដឹកនាំក្រសួង អង្គភាពគ្រប់គ្រងគម្រោង តំណាងក្រសួងសេដ្ឋកិច្ច និងហិរញ្ញវត្ថុ តំណាងក្រុមហ៊ុនទីប្រឹក្សាបច្ចេកទេស KCleng Co., Ltd. និងមន្ត្រីជំនាញពាក់ព័ន្ធ។ ពិធីចុះហត្ថលេខារវាងក្រសួងសាធារណការ និងដឹកជញ្ជូន និងក្រុមហ៊ុនទីប្រឹក្សាបច្ចេកទេស KCleng Co., Ltd. សម្រាប់គម្រោង Green Siem Reap Urban Bypass Road Project ជាជំហានដ៏មានសារៈសំខាន់មួយ មុនឈានដល់ការជ្រើសរើសក្រុមហ៊ុនសាងសង់ នាពេលខាងមុខ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube