កិច្ចប្រជុំលើកទី៤ នៃគណៈកម្មាធិការសម្រាប់គ្រប់គ្រងកិច្ចព្រមព្រៀងសម្បទានគម្រោងផ្លូវល្បឿនលឿន ភ្នំពេញ-ក្រុងព្រះសីហនុ ទីស្ដីការក្រសួង៖នាព្រឹកថ្ងៃអង្គារ ទី២៥ ខែមិថុនា ឆ្នាំ២០២៤ ឯកឧត្តម សួង ហេង រដ្ឋលេខាធិការ ក្រសួងសាធារណការ និងដឹកជញ្ជូន និងឯកឧត្តម មាស សុខសេនសាន រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ បានអញ្ជើញដឹកនាំជាសហប្រធានលើកិច្ចប្រជុំលើកទី៤ នៃគណៈកម្មាធិការសម្រាប់គ្រប់គ្រងកិច្ច ព្រមព្រៀងសម្បទានគម្រោងផ្លូវល្បឿនលឿនភ្នំពេញ-ក្រុងព្រះសីហនុ ដោយមានការចូលរួមពីឯកឧត្ដមអនុរដ្ឋលេខាធិការ ឯកឧត្ដមអគ្គនាយក លោក លោកស្រីជាសមាជិកនៃគណ:កម្មាធិការ និងក្រុមការងារអញ្ជើញមកពីក្រសួងសាធារណការ និងដឹកជញ្ជូន និងតំណាងក្រសួងសេដ្ឋកិច្ច និងហិរញ្ញវត្ថុ តំណាងក្រុមហ៊ុនផ្លូវល្បឿនលឿន ។ កិច្ចប្រជុំនេះធ្វើឡើងដើម្បីពិនិត្យវឌ្ឍនភាពការងារ ដោះស្រាយ បញ្ហាមួយចំនួន ដើម្បីជួយសម្រួល ការគ្រប់គ្រងប្រតិបត្តិការ និងដំណើរការរបស់គម្រោងឱ្យប្រព្រឹត្តទៅដោយរលូន ក៏ដូចជាជួយដល់វិនិយោគិនទាំងការកចំណូលហិរញ្ញវត្ថុ និងផ្នែកបច្ចេកទេស។ អង្គប្រជុំក៏បានពិភាក្សាលើរបាយការណ៍ដែលបានអនុវត្តកន្លងមក និងការរៀបចំធ្វើវិសោធនកម្មលើកិច្ចព្រមព្រៀង ការងារមួយចំនួនដែលបានឯកភាព ការរៀបចំផែនការសម្រាប់ការងារគ្រប់គ្រងកិច្ចសន្យា និងការប្រើប្រាស់បច្ចេកវិទ្យា ដើម្បីគ្រប់គ្រង និងជំរុញការបម្រើសេវាផ្លូវល្បឿនលឿនឱ្យកាន់តែល្អប្រសើរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube