កិច្ចប្រជុំពិនិត្យការងារសិក្សាគម្រោងផ្លូវតភ្ជាប់ ផ្នែកខាងកើតគម្រោងសាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) ទីស្ដីការក្រសួង៖ នាថ្ងៃព្រហស្បតិ៍ ទី០៩ ខែឧសភា ឆ្នាំ២០២៤ ឯកឧត្តម សួង ហេង រដ្ឋលេខាធិការ និងជានាយកគម្រោង បានអញ្ជើញដឹកនាំកិច្ចប្រជុំពិនិត្យការងារសិក្សាគម្រោងផ្លូវតភ្ជាប់ ផ្នែកខាងកើតគម្រោងសាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) ដោយមានការចូលរួមពី ឯកឧត្តមប្រធាន អនុប្រធាន សមាជិកគម្រោង តំណាងសាលារាជធានីភ្នំពេញ តំណាងអ្នកឧកញ៉ា ប៉េង ហួត ម្ចាស់បុរីប៉េង ហួត បឹងស្នោ ក្រុមហ៊ុនសំណង់សៀងហៃ ព្រមទាំងមន្ត្រីបច្ចេកទេស និងភាគីពាក់ព័ន្ធជាច្រើនរូប។ អង្គប្រជុំបានពិភាក្សាដោយផ្តោតជាសំខាន់ទៅលើការជ្រើសរើសគន្លងខ្សែផ្លូវតភ្ជាប់ផ្នែកខាងកើតគម្រោងសាងសង់ស្ពានឆ្លងកាត់ ទន្លេបាសាក់ (ចាក់អង្រែក្រោម-ព្រែកប្រា) មកទល់នឹងផ្លូវជាតិលេខ១ ធ្វើយ៉ាងណាឱ្យខ្សែផ្លូវថ្មីនេះមានផលប៉ពាល់តិច ស្របតាមលក្ខណៈបច្ចេកទេស តែមានផលចំណេញខ្ពស់។ ជាលទ្ធផល កិច្ចប្រជុំសម្រេចដាក់ចេញកាលវិភាគការងារប្រជុំលើកក្រោយបន្តទៀត និងចុះពិនិត្យដល់ទីតាំងជាក់ស្តែង ដើម្បីសម្រេចកំណត់ទីតាំងខ្សែផ្លូវជាក់លាក់មួយដែលជាជម្រើសដ៏ល្អប្រសើរដាក់ជូនថ្នាក់ដឹកនាំពិនិត្យសម្រេច៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube