ផ្លូវលេខ៣៧៧ ខេត្តក្រចេះ៖ ពិនិត្យការដ្ឋានផ្លូវវាង ប្រវែង២២៥០ម និងស្ថានភាពស្ពានកាំពី ឃុំសំបុក ស្រុកចិត្របុរី និងចែកអំណោយមនុស្សធម៌ជូនប្រជាពលរដ្ឋរងគ្រោះទឹកជំនន់ចំនួន៥០គ្រួសារ ក្នុងឃុំសណ្តាន់ ស្រុកសំបូរ ក្រោមអធិបតីភាព ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង សាធារណការ និងដឹកជញ្ជូន នៅថ្ងៃសុក្រ ១៤រោច ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១០ ខែសីហា ឆ្នាំ២០១៨។ ការចែកអំណោយជូនប្រជាពលរដ្ឋរងគ្រោះទឹកជំនន់ និងចុះពិនិត្យស្ថានភាពផ្លូវថ្នល់ និងស្ពានទាំងនេះ ធ្វើឡើង ដើម្បីដឹងពីសុខទុក្ខរបស់ប្រជាពលរដ្ឋដែលរងគ្រោះដោយទឹកជំនន់ និងស្វែងយល់អំពីស្ថានភាព ជាក់ស្តែងនៃផលប៉ះពាល់ ដែលក្រសួងកំពុងសហការជាមួយអាជ្ញាធរពាក់ព័ន្ធដើម្បី ចាត់វិធានការទប់ ស្កាត់ និងគ្រោងនឹងធ្វើការជួសជុលភ្លាមៗ លើទីតាំងខូចខាតបន្ទាប់ពីទឹកស្រក់វិញ។