កិច្ចប្រជុំដំបូង (kick-off meeting) ស្ដីពីការគ្រប់គ្រង និងចាប់ផ្តេីមអនុវត្តគម្រោងហេដ្ឋារចនាសម្ព័ន្ធច្រកទ្វារព្រំដែន (Cross-border facility Project ) នៅព្រះរាជាណាចក្រកម្ពុជា ទីស្តីការក្រសួង៖ នាថ្ងៃទី០២ ខែឧសភា ឆ្នាំ២០២៤ លោកជំទាវ ឥម នីថារ៉ា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំដំបូង (kick-off meeting) ស្ដីពីការគ្រប់គ្រង និងចាប់ផ្តេីមអនុវត្តគម្រោងហេដ្ឋារចនាសម្ព័ន្ធច្រកទ្វារព្រំដែន ( Cross-border facility Project ) ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក ជាថ្នាក់ដឹកនាំក្រសួង ព្រមទាំងមន្ត្រីជំនាញពាក់ព័ន្ធដែលជាសមាជិក ក្នុងការអនុវត្តគម្រោង។ កិច្ចប្រជុំនេះរៀបចំឡើង ដើម្បីពិភាក្សាត្រៀមលក្ខណៈ ក្នុងការអនុវត្តគម្រោង និងលើកកម្ពស់ការងារឱ្យមានគុណភាព និងប្រសិទ្ធភាពខ្ពស់។ សូមបញ្ជាក់ជូនថា គម្រោងហេដ្ឋារចនាសម្ព័ន្ធច្រកទ្វារព្រំដែន ( Cross-border facility Project ) នៅព្រះរាជាណាចក្រកម្ពុជា ត្រូវបានគាំទ្រដោយរាជរដ្ឋាភិបាលកម្ពុជា ក្រោមហិរញ្ញប្បទានរបស់ធនាគារ Asian Infrastructure Investment Bank (AIIB) ដេីម្បីអភិវឌ្ឍរចនាសម្ព័ន្ធនៅតាមព្រំដែនឆ្លេីយតបទៅនឹងការរីកចម្រេីននៃសេដ្ឋកិច្ចកម្ពុជា និងការកេីនឡេីងនៃពាណិជ្ជកម្មតាមព្រំដែន។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube